Dy shqiptarë 28 dhe 29 vjeç janë arrestuar në Bolonjë të Italisë, pasi akuzohen se janë pjesë e një grupi kriminal për trafikim të lëndëve narkotike.
Autoritetet italiane bëjnë me dije se dy të rinjtë u arrestuan në kuadër të një operacioni anti-drogë ku u sekuestrua një sasie konsiderueshme lëndë narkotike, një pistoletë dhe rreth 60 mijë euro.
Sipas policisë droga e sekuestruar mendohet të kapte vlerën e 3 milionë eurove në tregun me pakicë.
Sipas medieve italiane, mbi dy shqiptarët rëndojnë akuzat e posedimit dhe trafikimin të drogës dhe armëve të zjarrit. Ata ndodhen në paraburgim ku do të presin dënimin nga gjykata./albeu.com/
