Ditën e djeshme, i ftuar dje në “Live From Tirana”, ishte Meridian Ramçaj, i cili komentoi ngjarjet e showbiz-it së fundmi, kryesisht lidhur me temën “A ka Big Brother pas mbylljes së Big Brother?
Sipas ish-banorit të edicionit të parë të reality show-t, zhurmën vazhdon që t’a bëjë fituesi edhe tani që ka mbaruar “Big Brother VIP 4”.
“Ka akoma njerëz që ftohen në emisione për të folur për Gjestin”, tha Ramçaj.
Ndërsa lidhur me Gjestin dhe Egli Takon, të cilët dolën të lidhur nga shtëpia më e famshme në Shqipëri, Meridiani u shpreh:
“Gjesti dhe Egli duken se kanë një strategji të përbashkët, kjo më shtyn mua të mendoj që janë bashkë. Edhe Egli s’po del shpesh nëpër intervista. Gjithashtu, pashë një video të Gjestit në makinë, ku duket Egli që është duke u ulur që të mos duket…”.
Përsa u përket lajmeve që qarkullojnë në rrjet se Rozana Radi dhe Gerta Gixhari mund të jenë së bashku në emisionin “Goca & Gra”, Ramçaj u shpreh:
“Unë mendoj që të dyja e meritojnë”.
