Puthje dhe afërsi në Nju Jork, George dhe Amal Clooney romantikë pas 12 vitesh martesë

Një dalje romantike në Nju Jork i ka sjellë sërish në vëmendje George dhe Amal Clooney. Pas 12 vitesh martesë, bashkëshortët duket se po e përjetojnë me më shumë kënaqësi se kurrë jetën së bashku, teksa fotografitë i treguan duke u puthur dhe duke qëndruar pranë njëri-tjetrit.

Mbrëmja i çoi në një aktivitet në Seaview Studio, gjatë të cilit George lexoi “Smear!”, një vepër komike me tematikë politike. Të kapur për dore dhe duke shkëmbyer një puthje, ata e shprehën hapur dashurinë gjatë aktivitetit.

Për këtë dalje, Amal, 48 vjeçe, kishte përzgjedhur një pallto bezhë prej kamoshi të markës Gucci, të cilën e kishte shoqëruar me një fustan të bardhë dhe çizme të zeza që shkonin mbi gju. Zgjedhja elegante e veshjes së saj nuk kaloi pa vëmendje.

Një çantë e vogël e zezë plotësonte paraqitjen e avokates së njohur të të drejtave të njeriut, ndërsa flokët e gjatë dhe grimi natyral ia theksonin elegancën. George, aktori 65-vjeçar, kishte zgjedhur një kostum në blu të errët, të kombinuar me pulovër dhe këpucë klasike.

Nga martesa e tyre 12-vjeçare, George dhe Amal kanë dy fëmijë, binjakët Alexander dhe Ella, të cilët janë nëntë vjeç.

Amal kishte qenë në qendër të vëmendjes edhe pak javë më herët, kur prezantoi përkrah bashkëshortit ceremoninë e përvitshme “The Albies”, të organizuar nga Fondacioni Clooney për Drejtësi.

E zhvilluar në mes të tetorit në Muzeun e Historisë Natyrore në Londër, ceremonia e pa Amal të spikaste me një fustan të artë.

Me emrin e Albie Sachs, aktivistit dhe gjyqtarit të njohur nga Afrika e Jugut, kjo ceremoni nderon personat që punojnë për mbrojtjen e drejtësisë dhe të drejtave të njeriut.