Sonte (e premte) mbahet finalja e madhe e spektaklit shumë të shikuar, Big Brother VIP Kosova.
Plot katër janë finalistët e këtij edicioni njëri prej të cilëve do të fitojë çmimin e madh – Edona James, Blerando, Lumbardh Salihu apo Shqipe Hysenaj.
Kjo e fundit është e vetmja konkurrente nga Shqipëria që ka prekur finalen e madhe, teksa njëherësh ka qenë edhe një prej banoreve më të zëshme të edicionit të dytë të BBVK.
Shqipja e cila është bërë më parë e njohur nga një format televiziv në Tiranë, ka qenë në qendër të vëmendjes së mediave dhe diskutimeve në rrjetet sociale edhe gjatë qëndrimit në shtëpi.
Së fundmi, në rrjetet sociale kanë filluar të qarkullojnë disa fotografi të saj të viteve më parë, kur pozonte me bikini të zeza duke treguar me krenari linjat e saj të trupit.
Hysenaj mes shumë anëve të saj të treguara në shtëpi, ndër të tjerash ka treguar edhe se është edhe një myslimane e devotshme, e cila i ka falur të pesë vaktet edhe gjatë qëndrimit brenda në shtëpi.
