Përflitet prej kohësh ‘podcast’-i i Afrona Dikës që e ka realizuar me ish-bashkëshortin e saj, Bleron.
Ata u ballafaquan për herë të parë pas ndarjes së tyre, e cila ndodhi rreth dy vjet më parë.
Edhe pse u paralajmërua që disa javë më parë, ky emision nuk u publikua akoma.
Afrona së fundmi ka njoftuar ndjekësit se ky ‘podcast’ do të publikohet sot (e martë) në ora 18:00.
“Sonte në ora 18:00 del podcasti”, ka shkruar ajo.
Në pjesën e ndarë në Instagram, bukuroshja dëgjohet duke thënë: “Që nuk jemi ulur dhe nuk i kemi sqaruar gjërat siç është dashur me i sqaru pas shtatë vitesh. Ka qenë edhe ky faji im që veç jam zhdukur nga jeta jote sepse e kam pasur një mllef brenda, e kam pasur një vuajtje, një dëshpërim brenda, e kam pasur një nuk e di si ta sqaroj. Thjesht një, se di më ka nevojitur shumë kohë edhe për vete me pranu”.
Kjo u realizua për një qëllim të mirë, duke treguar që pavarësisht ndarjes, në fillim duhet të jetë respekti për njëri-tjetrin.
