Olta Gixhari kërcënon Nitën: Më voto për lider ose të nxjerr si Ermionën (VIDEO)

Zgjedhjet për lider brenda “Big Brother VIP” duket se kanë nxitur debate dhe dinamika të shumta.

Olta dhe Luizi kanë shprehur hapur dëshirën për këtë rol që vjen edhe me një avantazh në lojë. Por, ajo që ka marrë vëmendje është një deklaratë e Oltës, e cila thotë se ka qenë ajo shkaku pse Ermiona u largua nga “Big Brother”.

Aktorja pyet Nitën për kë do votojë dhe kjo e fundit i thotë: “Prit, të shohim”.

Gjë që nuk i pëlqeu Oltës e cila nis t’i përmendë ato që ajo i cilëson “ndere për Nitën” dhe sipas saj e tillë ishte dalja e Jonës.

“E mban mend Jonën kur doli, kur ishe në nominim? Jonën e mban mend kur ishe në nominim? E mban mend? E mban mend mirë? I shpëtove nominimit.”- përsërit ajo.

“Domethënë që e nxore ti?”- e pyeti Nita, të cilës Olta iu përgjigj me: “Nuk mendon se kontribuova sado pak? Këto janë gjërat që kam bërë unë për shoqërinë këtu brenda, për shembull.”