Benita Zena ka reaguar për herë të parë pas eliminimit nga gjysmëfinalja e “Big Brother VIP Kosova”, duke e mbyllur kështu rrugëtimin e saj vetëm një hap larg finales së madhe.
Përmes një InstaStory, Benita ka bërë të ditur se po kalon një gjendje të rënduar emocionale, duke pranuar se eliminimi ka qenë një moment i vështirë për të.
“Momentalisht jam në gjendje të rëndë emocionale, por nuk munda pa ju falënderuar secilin për mbështetjen në këtë rrugëtim dhe tani në këto momente. Zoti ju ruajt”, ka shkruar ajo.
Reagimi i saj ka prekur ndjekësit, të cilët nuk kanë munguar me mesazhe mbështetjeje dhe inkurajimi në këtë periudhë të vështirë për të.
