“Mezi pres të kthehesh”, Gigi Hadid flet për sëmundjen e motrës së saj, Bella-s

Gigi Hadid ka folur për shëndetin e motrës së saj teksa ka ndarë një foto me Bella Hadid nga një shfaqje mode, ku krahas shkruan: “Mezi pres të kthehesh.”

“Bella sapo përfundoi një trajtim të gjatë dhe intensiv për sëmundjen Lyme,” shtoi Gigi. “Nuk dua që disa ta marrin postimin tim si një premtim se ajo do të kthehet në shfaqje këtë sezonin e ardhshëm. Jam shumë krenare për të dhe e emocionuar për rikthimin e saj sa herë që të ndihet gati”.

Modelja dhe vëllai i saj, Anwar Hadid, u diagnostikuan të dy me sëmundjen Lyme në vitin 2012. Simptomat e sëmundjes Lyme përfshijnë ethe, dhimbje koke, lodhje dhe një skuqje karakteristike të lëkurës.

Muajin e kaluar, një burim i tha ET se Bella, e cila kohët e fundit u nda nga Marc Kalman, ishte “në trajtim të përditshëm për sëmundjen Lyme” dhe jo në rehabilitim siç u shprehën disa media.