R. Kelly u dërgua me urgjencë në spital pas një mbidoze droge në burg, ku po vuan një dënim me 30 vjet burg për zhvatje dhe shfrytëzim seksual. Sipas një dokumenti ligjor, këngëtari 57-vjeçar, emri i vërtetë i të cilit është Robert Sylvester Kelly, u vendos në izolim më 10 qershor dhe iu dhanë ilaçe kundër ankthit nga stafi i burgut.
Sipas avokatit të tij, atij iu dhanë ilaçe shtesë po atë ditë dhe iu kërkua t’i merrte. Tre ditë më vonë, artisti tha se ndjeu “marramendje” dhe “dobësi” dhe u ankua se shihte “njolla të zeza” në shikim. Më pas i ra të fikët dhe u dërgua në Spitalin Universitar Duke
I njëjti dokument vëren se ai është dëgjuar duke i thënë një anëtari të stafit: “Kjo do të hapë një kuti të re të Pandorës.” Incidenti është nën hetim, ndërsa ngrihen pyetje në lidhje me mënyrën se si shërbimi i burgut e ka trajtuar situatën.
R. Kelly po vuan një dënim me 30 vjet burg pasi u shpall fajtor për një sërë veprash penale që dolën në dritë përmes lëvizjes #MeToo, e cila zbuloi natyrën sistematike të shkeljeve të tij seksuale.
