“I kishe çarçafët për faqe të zezë, t’i kam ndërruar”/ Mateo i kërkon falje Brikenës: Ishte shaka

Debati për një koment të bërë nga Mateo ndaj Brikenës është kthyer në një nga temat më të diskutuara në shtëpinë e Big Brother VIP.

Mateo sqaroi se gjithçka kishte qenë një formë shakaje dhe ngacmimi, duke pranuar se nuk kishte përdorur gjuhën e duhur. Ai theksoi se i kishte kërkuar falje Brikenës dhe se nuk kishte pasur asnjë qëllim të keq, duke e konsideruar situatën si të ekzagjeruar.
Nga ana tjetër, Brikena u shpreh e lënduar nga komenti për ndërrimin e çarçafëve dh shtoi se mënyra si u tha publikisht e bëri të ndihej keq dhe i dha një perceptim të gabuar për të.

Ndërkohë, edhe banorë të tjerë u përfshinë në debat, duke dhënë mendimet e tyre dhe duke e zgjeruar diskutimin mbi mënyrën e komunikimit dhe respektin mes tyre brenda shtëpisë.
Debati:
Mateo: Në radhë të parë, ky është një lloj komunikimi dhe në atë situatë do zgjidhja ato fjalë. Nuk ishte gjuha e duhur dhe i kam kërkuar falje Brikenës. Ishte një mënyrë për ta ngacmuar. Nuk e vlerësova që u mërzit për atë situatë. Nuk ishte për t’u bërë e madhe situata. Ka qenë një shaka nga ana ime.
Brikena: Çdo ditë kur kemi prime, grimi na lyen trupin me make-up dhe kam njollosur tërë çarçafin. Unë i ndërroj shpesh çarçafët, Më vjen rëndë. Më erdhi keq. Mund të thoshte “t’i ndërrova”. Më bëri të ndihem keq. I jep një konfirmim publikut sikur unë… E di që e ka thënë pa të keq, por nuk është i kujdesshëm.
Mateo: E pranoj fajin dhe s’kisha asnjë qëllim të keq.
Edisa: Kur kam ardhur, i kam dhënë këshillë Brikenës që ajo flinte pa këllëf jastëku. Në publik nuk del mirë. Të lë përshtypjen sikur s’je e pastër, ndaj të paktën kamufloje këtu. Dhe kur kemi diçka që nuk shkon, nuk është e hijshme të sulmojmë njëra-tjetrën. Brikena i ka thënë Juelës: “Lëviz se të vjen erë goja”. E dashur Brikena, ja ku e tha dhe i dashuri yt.
Banorët më të pastër jemi unë dhe Shëndriti.