Hailey Bieber: Të jesh në qendër të vëmendjes nuk bëhet kurrë më e lehtë

Modelja dhe sipërmarrësja Hailey Bieber ka qenë shpesh në qendër të vëmendjes së mediave dhe komenteve të publikut. Të jetosh vazhdimisht nën dritën e projektorëve nuk ka qenë gjithmonë e lehtë për të, por në një intervistë të fundit ajo ka treguar se mbështetja e bashkëshortit të saj, Justin Bieber, ka luajtur një rol të rëndësishëm për ta përballuar këtë presion.

Hailey foli për jetën shumë publike dhe mënyrën se si përballet me komentet dhe kritikat në rrjet. Ajo shpjegoi se Justin e ka ndihmuar shumë gjatë viteve, pasi vetë ka qenë në qendër të vëmendjes që në moshë shumë të re dhe e kupton mirë presionin që vjen nga fama.
Sipas saj, fakti që ai e di nga përvoja personale se si ndikon opinioni publik e bën mbështetjen e tij edhe më të vlefshme. Duke folur për sfidat e jetës nën vëmendjen e vazhdueshme, Hailey u shpreh: “Së të vërteti, nuk bëhet kurrë më e lehtë. Mendoj se gjithmonë është e vështirë të përballosh kaq shumë zhurmë dhe kaq shumë opinione dhe perspektiva nga jashtë, duke u perceptuar gjithmonë nga të tjerët.”

Ajo shtoi se edhe pse me kalimin e kohës mësohesh me komentet, ato mund të jenë ende të dhimbshme. Modelja përmendi gjithashtu se mbështetje gjen edhe te miqtë e saj të afërt, përfshirë Kendall dhe Kylie Jenner, të cilat jetojnë një realitet të ngjashëm me të: “Të flasësh me dikë që e kupton këtë gjithmonë të ngushëllon, sepse është vërtet e vështirë për dikë tjetër që nuk e ka përjetuar të kuptojë se si ndjehesh në të vërtetë.”

Sa i përket projekteve profesionale, Hailey vazhdon të fokusohet te marka e saj e bukurisë, duke qenë e përfshirë si në zhvillimin e produkteve ashtu edhe në promovimin e tyre në treg.