Genc Prelvukaj feston ditëlindjen e 43-të: Jam lindur në demonstratat e 81-tës, nuk do të doja të kisha lindur në një kohë tjetër

Artisti i njohur shqiptar, Genc Prelvukaj, feston sot (e martë) ditëlindjen.

I lindur më 16 korrik të vitit 1981 në Prishtinë, këngëtari ka mbushur plot 43 vite jetë.

Me rastin e ditës speciale, ai i ka bërë një dedikim vetes, në një postim të shpërndarë në Instagram.

“Jam lindur në zjarrin e demostratave të 81-tës; më janë forcuar kockat në vitet e rezistencës e luftes; jam formuar si njeri në tokën tonë të çliruar, ndërsa më vonë uroj të zbardhem e rrudhosem në paqe”, ka shkruar ai.

Krijuesi i një sërë hitesh shtoi: “Në fund të ditës, përkundër vështirësive të jetës, nuk do të doja të kisha lindur në një kohë tjetër. Sepse nesër kam çfarë ti rrëfej fëmijëve të mi”.

Ai mes tjerash në shkrim theksoi: “Sot jam një vit më i vjetër se dje”.

Prelvukaj konsiderohet një nga emrat më të suksesshëm të muzikës rap dhe hip hop. Përveç kësaj, është i angazhuar edhe në politikë.

I njëjti është i martuar prej disa vitesh me këngëtaren Eni Koçi, me të cilën ka dhe një vajzë.