Fotoja e publikuar për “Shën Valentin” vulosi romancën mes tyre, flet Adrola Dushi: Kishim dyshime por na eci shumë mirë

Modelja e njohur shqiptare, Adrola Dushi, njëjtë i partneri i saj, artisti Capital T, është shprehur se privatësia është shumë e shenjtë për të, referuar romancës së tyre.

Në një intervistë për “Goca dhe Gra”, modelja theksoi se privatësia të bën më të lumtur e kjo është aryseja se pse dyshja zgjodhën ta mbanin dashurinë e tyre larg vëmendjes së mediave dhe rrjeteve sociale.

Duke folur për foton e bujshme të publikuar në ditën e “Shën Valentinit”, ajo tha se ishte zgjedhja e këngëtarit që përmes atij postimi të bënin publike romancën e tyre.

Reagimi i plotë i Adrola Dushit: Ky Shën Valentin ishte një surprizë për mua. Janë bërë disa vite që jemi bashkë. Është një maratonë. Me të vërtetë, kur e do diçka shumë, jam e sigurt që ia del. Dhe ne ia dolëm. Nuk duam të shfaqemi kudo, privatësia është gjëja më e shenjtë. E dua privatësinë, sepse të bën të jetosh e lumtur.

Unë isha duke blerë rroba kur u publikua kjo foto. Ishim në Amerikë, unë po punoja dhe ai më tha: ‘Prit pak, sepse dua të postoj diçka’. U emocionova shumë, u kënaqa. Kishim edhe dyshimin nëse ta publikonim apo jo.

Nuk kam dëshirë të gënjej, por dua t’i ruaj gjërat e mia. Jam e lumtur sepse, në të vërtetë, u prit shumë mirë.