Dy ish-banorët e “Big Brother Albania”, Loredana dhe Jozi, vazhdojnë të jenë në qendër të vëmendjes edhe pas përfundimit të spektaklit.
Së fundmi, Jozi ka publikuar në një Instastory këngën e tij të re, të shoqëruar me një mesazh me nënkuptim: “Lyp ku të duash, se më të mirë s’gjen.”
Ky postim ka mjaftuar që rrjetet sociale të shpërthejnë me komente, pasi vetëm pak ditë më parë Loredana kishte deklaruar në emisionin “Shqipëria Live” se Jozi ka qenë i vetmi partner që ka pasur gjatë këtij viti.
Por reagimi i saj nuk vonoi, vetëm pak orë pas postimit të Jozit, Loredana publikoi një foto të re, e shoqëruar me një mbishkrim: “Lojërat e tua tregojnë madhështinë time. T’fala të dashurës.” Ky reagim i Loredanës është marrë nga ndjekësit si një përgjigje, pas deklaratës së Jozit.
Ky shkëmbim “thumbimesh” në rrjet është komentuar gjerësisht nga fansat, të cilët mendojnë se dyshja po i dërgon mesazhe njëri-tjetrit.
