Aktori dhe komediani amerikan, Tracy Morgan, tronditi publikun në ndeshjen e NBA-së mes New York Knicks dhe Miami Heat kur filloi me të vjella, duke bërë që ndeshja të ndërpritet dhe tani ka reaguar nga spitali dhe ka treguar se çfarë i ka ndodhur në të vërtetë.
Tracy zbuloi se ishte shtruar në spital për helmim nga ushqimi pasi kishte të vjella teksa ishte ulur në rreshtin e parë në ndeshje.
Aktori i humorit, i cili u përcoll jashtë fushës në një karrige me rrota, postoi një foto të tij duke buzëqeshur në një shtrat spitali dhe duke dhënë gishtin e madh.
“Faleminderit për shqetësimin tuaj! Tani jam mirë dhe mjekët thonë se ishte helmim nga ushqimi”, shkroi Morgan në Instagram.
“Unë e vlerësoj familjen time MSG që kujdeset kaq mirë për mua dhe duhet të përgëzoj ekipin që duhej ta pastronte këtë. Ju vlerësoj”.
Morgan pësoi gjithashtu një gjakderdhje nga hundët gjatë incidentit që ndaloi lojën për rreth dhjetë minuta.
Aktori ka pasur probleme shëndetësore edhe më parë – ai luftoi me diabetin dhe në vitin 2010 iu nënshtrua transplantit të veshkës kur ish-partnerja e tij Tanisha Hall i dhuroi një veshkë.
Për më tepër, në vitin 2014, u përfshi në një aksident katastrofik me makinë kur një kamion Walmart goditi makinën e tij në New Jersey, duke e lënë atë me lëndime të rënda të trurit, fraktura të shumta dhe humbje të kujtesës.
