Adelina Tahiri rikthehet në Saint Moritz jo për pushime, por për operacion!

Këngëtarja e njohur Adelina Tahiri, e cila prej vitesh zgjedh Saint Moritz si destinacionin e saj të preferuar për pushimet dimërore, këtë herë është rikthyer për arsye shëndetësore.

Sipas burimeve nga “Prive Klan Kosova”, Adelina ka kryer një tjetër ndërhyrje kirurgjikale për të hequr shufrën metalike me bulona që i ishte vendosur në këmbë vitin e kaluar. Kujtojmë se këngëtarja kishte pësuar një aksident gjatë pushimeve dimërore në Saint Moritz, i cili i shkaktoi një frakturë të rëndë në këmbë. Për pasojë, ajo kishte kryer një operacion emergjent në Zvicër për të stabilizuar gjendjen.

Pas një periudhe rehabilitimi në Shkup, Adelina ishte këshilluar të hiqte pajisjet metalike nga trupi. Për shkak të standardeve të larta të mjekësisë zvicerane, ajo vendosi të rikthehej në Saint Moritz për të kryer këtë ndërhyrje delikate.

Operacioni ka përfunduar me sukses, dhe këngëtarja tani është në fazën e rimëkëmbjes.