Xhaferi: Ukraina do të marrë ndihmë financiare, nëse është e nevojshme edhe ushtarake

Kryetari i Kuvendit, Talat Xhaferi sot në një konferencë për media, pas vizitës së tij në Ukrainë, tha se vendi do të marrë lloje të ndryshme të ndihmës nga Maqedonia, varësisht nga nevojat që do të përcaktohen dhe nëse është e nevojshme edhe ushtarake.

“Pra, mbështetim përpjekjet e institucioneve dhe të shtetit të Ukrainës për të rivendosur paqen dhe kontrollin mbi të gjithë territorin. Sigurisht, në kuadrin e detyrimeve dhe mundësive ndërshtetërore, kjo mbështetje është më e rëndësishme, por kjo varet nga institucionet këtu për sa i përket nevojës për t’u shprehur nga vetë institucionet ukrainase. Konkretisht mund të flasim në aspektin financiar, material dhe humanitar”, tha Xhaferi.

Ai shtoi se janë të përfshirë në të gjitha masat e marra nga BE-ja dhe komuniteti ndërkombëtar.