Gjatë vizitës së saj në Shkup, presidentja e Komisionit Evropian, Ursula von der Leyen, tha se Brukseli po përqendrohet në zhbllokimin e rrugëtimit të Maqedonisë së Veriut drejt Bashkimit Evropian. Ajo njoftoi se javën e ardhshme pritet të ndërmerret një veprim i ri për avancimin e këtij procesi.
None found
Von der Leyen u shpreh se, pavarësisht faktit që Maqedonia e Veriut nuk është përfshirë në udhërrëfyesit që BE-ja po harton për disa vende kandidate, çështja më urgjente është vënia sërish në lëvizje e procesit të integrimit.
“Jemi dakorduar që javën e ardhshme të ndërmarrim një hap të parë të ri dhe të punojmë për zhbllokimin e procesit”, deklaroi ajo.
Sipas presidentes së KE-së, kapërcimi i pengesës së tanishme do t’i hapte vendit mundësinë për të ecur shpejt përpara, pasi autoritetet maqedonase kanë realizuar tashmë një pjesë të rëndësishme të reformave.
Ajo foli edhe për përfitimet e Maqedonisë së Veriut nga Plani i Rritjes, duke theksuar se deri tani vendi ka përfituar 140 milionë euro. Von der Leyen shtoi se gjatë javëve në vijim priten edhe pagesa të tjera.
“Mesazhi im është i qartë: Ju i përkisni tryezës së Bashkimit Evropian”, u shpreh ajo në konferencën e përbashkët për shtyp me kryeministrin Hristijan Mickoski.
Presidentja e Komisionit Evropian solli si shembull Marrëveshjen e Prespës, të cilën e cilësoi si një vendim të vështirë politik që i hapi Maqedonisë së Veriut rrugën drejt anëtarësimit në NATO. Ajo vlerësoi gjithashtu bashkëpunimin e Shkupit me BE-në në sektorin e sigurisë dhe mbrojtjes.
Von der Leyen kujtoi se negociatat për anëtarësim nisën në vitin 2022 dhe se procesi i skriningut u mbyll brenda më pak se një viti. Sipas saj, tashmë nevojitet “një hap kyç” për hapjen e klasterit të parë, të quajtur “Themelet”.
“E kuptoj se sa e ndjeshme është kjo çështje, por dua ta them qartë: ne do ta mirëpresim Maqedoninë e Veriut me identitetin dhe gjuhën e saj. Ne besojmë se kultura dhe gjuha maqedonase mund ta pasurojnë Bashkimin tonë”, deklaroi Von der Leyen.
Antonio Conte ka lënë të kuptohet se një rikthim te Juventusi mund të ndodhë në të ardhmen. Trajneri italian, i…
Zëvendëskryeministrja Albana Koçiu ka prezantuar përmes një videomesazhi në Kuvend projektbuxhetin e vitit 2027, i cili kap vlerën e 10…
Miinistri i Mjedisit Jetësor dhe Planifikimit Hapësinor, Muhamed Hoxha, deklaroi se vendosja e sistemit rajonal për grumbuillim të mbeturinave mbetet…
Kryetari i Komunës së Pejës, Gazmend Muhaxheri, ka thënë se e ndjera Arlinda Zekaj nuk kishte kërkuar asnjëherë strehim për…
Kryeministri i Shqipërisë, Edi Rama, deklaroi se bullgarët duhet të përfshihen në Kushtetutën e Maqedonisë së Veriut.Ai tha se për…
Në gjykimin për “Lotarinë Shtetërore” ekspertja e prokurorisë Anita Popovska u morr në pyetje nga mbrojtja e Përparim Bajramit, Artan…