Tabela kufitare në Tabanoc rikthen mbishkrimin në shqip

Mbishkrimi në gjuhën shqipe është vendosur sërish në tabelën zyrtare të mirëseardhjes në pikën kufitare Tabanoc, pas publikimit të një fotografie ku ai mungonte.

Zëvendësdrejtori i Drejtorisë së Doganave, Mustafa Dauti, e bëri të ditur rikthimin përmes një videoje të publikuar në rrjetet sociale. Në tabelë tashmë shfaqet edhe mesazhi “Mirë se vini!” në gjuhën shqipe.

Ky reagim shihet si dëshmi e angazhimit të kuadrove të VLEN-it për respektimin dhe zbatimin konkret të të drejtave të garantuara të shqiptarëve.

Ndryshe nga rastet kur problematika të tilla kalonin pa vëmendje, institucionet këtë herë ndërhynë me shpejtësi dhe e korrigjuan situatën pa vonesë.

Rivendosja e shqipes në tabelën e mirëseardhjes paraqitet si një tjetër tregues se institucionet e drejtuara nga kuadrot e VLEN-it veprojnë me përgjegjësi dhe vendosmëri për të mbrojtur barazinë dhe dinjitetin e çdo qytetari.