Rikthehet shqipja në tabelën e mirëseardhjes në pikën kufitare Tabanoc

Mbishkrimi në gjuhën shqipe është vendosur sërish në tabelën zyrtare të mirëseardhjes në pikën kufitare Tabanoc, pas publikimit të një fotografie ku ai mungonte.

Rikthimin e tij e bëri të ditur zëvendësdrejtori i Drejtorisë së Doganave, Mustafa Dauti, përmes një videoje të publikuar në rrjetet sociale. Në tabelë është rikthyer edhe mesazhi “Mirë se vini!”.

Reagimi i shpejtë i institucioneve është vlerësuar si dëshmi e angazhimit të kuadrove të VLEN-it për zbatimin në praktikë dhe mbrojtjen e të drejtave të garantuara të shqiptarëve.

Ndërsa më parë problematika të tilla kalonin pa u evidentuar, tashmë institucionet po ndërhyjnë me shpejtësi për t’i korrigjuar ato.

Rivendosja e gjuhës shqipe në tabelën e mirëseardhjes paraqitet gjithashtu si një tjetër tregues se institucionet e drejtuara nga kuadrot e VLEN-it veprojnë me përgjegjësi dhe vendosmëri në mbrojtje të barazisë dhe dinjitetit të çdo qytetari.