Categories: sport

Federico Valverde dhe Real Madridi gjejnë akordin për rinovimin e kontratës deri në vitin 2031

Real Madridi ka siguruar vazhdimësinë e Federico Valverdes deri në vitin 2031, pasi palët kanë rënë dakord për një marrëveshje të re. Mesfushori uruguaian do të shohë gjithashtu një rritje të ndjeshme të pagës, çka e vendos atë në grupin e lojtarëve më të paguar të ekipit.

Siç raporton gazeta spanjolle AS, të dyja palët kanë gjetur konsensus për t’i shtuar edhe dy vjet të tjera kontratës aktuale, e cila skadonte në vitin 2029. Rinovimi ende nuk është zyrtarizuar, por marrëveshja tashmë ekziston dhe pritet të ndiqet nga firma dhe njoftimi zyrtar i klubit madrilen.

Të lidhura

None found

Me kontratën e re, 28-vjeçari do të qëndrojë në “Santiago Bernabeu” deri në vitin 2031, kur ai do të ketë mbushur 33 vjeç. Përveç zgjatjes së kohëzgjatjes, marrëveshja përfshin edhe kushte më të mira financiare. Shifra e saktë e pagës së re nuk është bërë publike, por sipas burimeve, uruguaiani do të ngjitet mes emrave më të paguar në dhomën e zhveshjes së “Los Blancos”.

Valverde iu bashkua Real Madridit në vitin 2016, duke ardhur nga Penarol për rreth pesë milionë euro. Fillimisht u aktivizua me ekipin e dytë, Real Madrid Castilla, e më pas u huazua te Deportivo La Coruna, përpara se të kthehej dhe të bëhej një element kyç i skuadrës së parë.

Ky rinovim është pjesë e planit të Florentino Perezit për të blinduar të ardhmen e lojtarëve më të rëndësishëm. Së fundmi, Arda Guler ka vijuar kontratën deri në vitin 2032, ndërsa një ditë më pas të njëjtin veprim e kreu edhe Aurelien Tchouameni. Ndërkohë, klubi po vijon punën për rinovimet e Jude Bellinghamit, Thibaut Courtois dhe Brahim Diazit.

Rëndësia e Valverdes në planet e trajnerit Jose Mourinho përbën një tjetër arsye përse klubi dëshiron ta mbajë gjatë. Mesfushori renditet ndër lojtarët me më shumë minuta këtë sezon, me 1,184 minuta të luajtura në 15 ndeshje. Në këto takime, ai është aktivizuar 11 herë në qendër të mesfushës dhe katër herë në krahun e djathtë, duke treguar edhe një herë aftësinë e tij për t’iu përshtatur roleve të ndryshme.

Mourinho e çmon uruguaianin jo vetëm për cilësitë teknike dhe fizike, por edhe për ndjenjën e përgjegjësisë që tregon në fushë si një nga liderët e grupit. Këtë sezon, Valverde ka shënuar tre gola dhe ka dhënë dy asistime, me realizime ndaj Interit, AEK-ut dhe Valencias, në tri ndeshje që u mbyllën të gjitha me fitore të Real Madridit.

Deri tani, mesfushori ka grumbulluar 387 paraqitje zyrtare me fanellën e Real Madridit, duke shënuar 44 gola dhe duke dhënë 46 asistime. Në këtë periudhë ai ka fituar 14 trofe me gjigantin spanjoll dhe renditet si futbollisti i shtatë i huaj me më shumë ndeshje në historinë e klubit.

Tashmë mbetet vetëm finalizimi formal i akordit dhe komunikimi zyrtar nga Real Madridi, i cili në të njëjtën kohë po punon për të siguruar vazhdimësinë e disa prej yjeve të tjerë kryesorë të ekipit.

të fundit

Së bashku për buzëqeshjet e fëmijëve: 8 karroca të personalizuara për Qendrën Jonathan

Në një akt solidariteti dhe mbështetjeje për fëmijët me sindromën Down, ABI Bank, përmes platformës Smile, së bashku me Credins Bank kanë…

7 minutes ago

Video/ Flooding again on Rruga e Arbrit in Bulqiza, water covers asphalt and puts vehicles at risk

Reshjet e dendura të shiut gjatë mbrëmjes së kaluar kanë shkaktuar probleme në Rrugën e Arbrit, në segmentin që lidh…

8 minutes ago

Një në katër banorë të Maqedonisë së Veriut synon emigrimin, 11.9% kanë plane dhe hapa konkretë për t’u larguar

26.1% e qytetarëve të Maqedonisë së Veriut kanë ndërmend të shpërngulen për të jetuar dhe punuar jashtë vendit, ndërsa 11.9%…

9 minutes ago

Fation Shehu appointed director general of Customs

Fation Shehu, është emëruar drejtor i Përgjithshëm i Doganave, duke zëvendësuar në këtë detyrë Besmir Bejën, i cili është larguar…

9 minutes ago

Lethal injection execution in US turns into torture, 70-year-old suffers 63 minutes before being pronounced dead

Një ekzekutim me injeksion vdekjeprurës në Teksas ka përfunduar në një proces të gjatë dhe të dhimbshëm për një të…

9 minutes ago

Massive Russian air attack with nearly 100 missiles and around 400 drones, three bridges in Kyiv closed after strikes

Rusia ka ndërmarrë një prej sulmeve më të mëdha ajrore që prej fillimit të luftës në Ukrainë. Gjatë sulmeve të…

9 minutes ago