Snopçe: As balancuesi dhe as ligji për përfaqësim të drejtë nuk parashohin pengesa ndaj keqpërdorimeve

Halil Snopçe, deputet i Aleancës për Shqiptarët, deklaroi se balancuesi nuk ka pasur mekanizma që do të parandalonin keqpërdorimet, ku shqiptarët të mos deklaroheshin si maqedonas dhe anasjelltas. Sipas tij, këtë problem nuk do ta zgjidhë as ligji për përfaqësim të drejtë dhe adekuat.

Ai theksoi gjithashtu se edhe Komisioni i Venecias ka vlerësuar se ky ligj nuk i parandalon keqpërdorimet dhe nuk i largon mangësitë e balancuesit. Sipas Snopçes, ekziston një seri rekomandimesh që deri më tani nuk janë zbatuar.

“Shumë referoheni te Komisioni i Venecias, ja çka janë rekomandimet e tij që nuk janë zbatuar. Të sigurohen mekanizma real për zbatimin e ligjit, pra e thotë Komisioni i Venecias, pastaj të ruhet balanca mes meritokracisë dhe përfaqësimit të drejtë dhe adekuat, të shmangen deklarimet në lidhje me deklarimin e përkatësisë etnike. Komisioni i Venecias thotë se ky ligj nuk i shmang keqpërdorimet”, tha Snopçe.