Categories: maqedoni

PTHP ngre aktakuzë ndaj 25-vjeçarit nga Staro Nagoriçane për katër vrasje dhe dy tentativa vrasjeje

Prokuroria Themelore Publike e Kumanovës ka ngritur sot aktakuzë, pas përmbylljes së hetimeve, ndaj një 25-vjeçari nga Staro Nagoriçane, i dyshuar për katër vepra penale të kualifikuara si “Vrasje” dhe dy tentativa vrasjeje të së njëjtës formë, njoftoi Prokuroria Publike e RMV-së, përcjell Telegrafi Maqedoni.

Sipas PTHP-së, duke qenë se ai me dashje ua ka marrë jetën disa personave, në bazë të nenit 123, paragrafi 3 të Kodit Penal, për të parashihet dënim me të paktën 10 vjet burg ose burgim i përjetshëm.

Të lidhura

None found

Në njoftim thuhet se, sipas ekspertizave të realizuara gjatë fazës hetimore, veprat janë kryer për motive të tjera të ulëta, përkatësisht me synimin për të përmbushur pasionet e tij seksuale ndaj trupave të vdekur të femrave.

Prokuroria sqaron se ngjarja e parë ndodhi natën mes 05.01.2025 dhe 06.01.2025 në fshatin Kleçovcë, ku ai me dashje i mori jetën një gruaje të moshuar dhe të pafuqishme. Sipas përshkrimit, ai hyri në banesën e saj dhe, teksa ajo flinte në shtrat, e sulmoi fizikisht duke nisur ta mbyste me forcë. Viktima humbi jetën si pasojë e frakturave dhe lëndimeve të shumta që ia pamundësuan frymëmarrjen.

Një rast tjetër, i ndodhur në një periudhë të pacaktuar ndërmjet 05.06.2025 dhe 07.06.2025 në fshatin Dragomance, ka të bëjë me vrasjen me dashje të një gruaje tjetër, e kryer në mënyrë të ngjashme.

Ngjarja e tretë u regjistrua më 22.07.2025 në fshatin Çellopek, ku i akuzuari tentoi të vriste një grua, por ajo arriti ta trembte duke i bërtitur djalit të saj, çka bëri që ai të largohej.

Sipas Prokurorisë, në orët e mbrëmjes mes 17.01.2026 dhe 18.01.2026 në fshatin Staro Nagoriçan, i pandehuri vrau me dashje një grua më të re në moshë, për të cilën e dinte po ashtu se ishte vetëm. Edhe në këtë rast, mënyra e kryerjes së krimit ishte e ngjashme me atë të rasteve të mëhershme.

Në orët e mbrëmjes midis 05.02.2026 dhe 06.02.2026, në fshatin Çelopek, ai i mori jetën edhe një viktime tjetër të moshuar dhe të pafuqishme.

Rasti i fundit i evidentuar është ai i 09.02.2026 në fshatin Çelopek, ku ai tentoi qëllimisht t’i merrte jetën një gruaje tjetër, por u frikësua nga një zhurmë që dëgjoi dhe iku pa e realizuar synimin.

Po ashtu, nga Prokuroria bëhet e ditur se prokurori publik i ka dorëzuar gjyqtarit të procedurës paraprake në Gjykatën Themelore në Kumanovë edhe propozimin për vazhdimin e masës së paraburgimit të caktuar më herët ndaj të akuzuarit./Telegrafi

të fundit

Fadil Fazliu to be released after The Hague ruling, son’s message: Ideals cannot be defeated by prison

Gjykata Speciale në Hagë ka dënuar Fadil Fazliun me 12 muaj burgim në rastin që lidhet me pengimin e drejtësisë.…

14 seconds ago

Limaj calls for institutional response after Hashim Thaçi’s sentencing in The Hague

Kryetari i Nismës Socialdemokrate, Fatmir Limaj, ka reaguar pas aktgjykimit të Gjykatës Speciale në Hagë ndaj ish-presidentit Hashim Thaçi, duke…

32 seconds ago

Cakolli raises questions after Thaçi’s sentence: Total could reach 26 years and 5 months

Eugen Cakolli nga KDI ka reaguar pas dënimit të ish-presidentit Hashim Thaçi me 17 muaj burgim shtesë për pengim të…

49 seconds ago

Erion Veliaj requested postponement of GJKKO hearing, prosecutor Ols Dado: The mayor asked permission to attend other events, but says he cannot come to court

Prokurori i SPAK, Ols Dado, ka deklaruar se sipas informacionit që disponon institucioni, gjendja shëndetësore e kryebashkiakut të Tiranës Erion…

1 minute ago

Gjesti enigmatik i Ronaldos nxit hamendësime mes tifozëve

Cristiano Ronaldo postoi një video në rrjetet sociale në të cilën tregon me gishtat një shenjë të ngjashme me shkronjën…

7 minutes ago

Haziri për vendimin e ri në Hagë: Europa e konsideron Kosovën të paaftë për të garantuar drejtësinë

Deputeti i LDK-së, Lutfi Haziri, ka reaguar përmes një postimi në Facebook lidhur me zhvillimet e fundit në Dhomat e…

11 minutes ago