PLD kërkon nga Prokuroria Publike nisjen e menjëhershme të procedurës për festën e pavarësisë

Publiku ka pritur me javë që Prokuroria Publike të dalë në skenë, të fillojë punën e saj, të marrë rrogën nga taksapaguesit dhe të tregojë fytyrën e vërtetë. Megjithatë, sipas një deklarate për mediat të Partisë Liberale Demokratike (PLD), ende nuk është ndërmarrë asnjë veprim për të hapur një procedurë lidhur me festën e pavarësisë.

Partia Liberale Demokratike po shpreh gatishmërinë për të ndihmuar që më në fund të vendoset drejtësi e barabartë për të gjithë qytetarët e Maqedonisë.

“PLD i bën thirrje Prokurorisë Publike të dëshmojë se ka staf të kualifikuar që nuk i nënshtrohet presioneve politike dhe të hapë menjëherë një hetim për mënyrën se si janë harxhuar paratë nga lotaria shtetërore”, thuhet në deklaratën e PLD-së.

Nga partia shtojnë se tashmë që prokurorët janë rikthyer nga pushimet verore, kanë pushuar mjaftueshëm dhe kanë nisur të marrin masa të shpejta për të mbrojtur “kokën e elitës”, ata mund të merren po aq shpejt edhe me gjetjen e përgjigjeve për pyetjet që vijojnë më poshtë./Telegrafi/