Mickoski paralajmëron investime të reja nga Turqia: Erdogan premton angazhim për kompani të tjera në Maqedoni

Kryeministri Hristijan Mickoski ka deklaruar se vendi pret dhjetëra investime të reja nga Turqia në Zonat Industriale-Teknologjike Zhvillimore. Sipas tij, ky zhvillim vjen pas forumit të biznesit të zhvilluar në Stamboll.

Ai bëri të ditur se nga Presidenti turk Rexhep Taip Erdogan ka marrë garanci se do të ketë angazhim edhe për ardhjen e kompanive të tjera turke që do të investojnë në Maqedoni.

“Sa i përket investitorëve tjerë potencial që eventualisht do të vinin nga Turqia, si rezultat i biznes forumit që e organizuam, në periudhën që pason pres disa dhjetëra investime potenciale që do të operacionalizohen. Presidenti Erdogan, personalisht më tha se do të angazhohet që sa më tepër investitorë turq të vijnë te ne, në Maqedoni, a detyra jonë si ekonomi këtë do ta pranojmë, duke hapura vende të reja të punës dhe ata që janë jashtë shtetit do të përpiqemi që përmes vendeve të reja të punës të paguara mirë, ti kthejmë në shtëpi”, tha Hristijan Mickoski.