Kuvendi vijon harmonizimin e ligjeve me Ligjin për udhëheqës të lartë në seancën e 123-të

Në seancën e 123-të plenare, deputetët miratuan nevojën që dhjetë ligje të shqyrtohen me procedurë të shkurtuar, me synimin për t’i harmonizuar me Ligjin për udhëheqës të lartë.

Ndër aktet ligjore përfshihen ndryshimet dhe plotësimet n�� ligjin për themelimin e Agjencisë Kombëtare për programe arsimore evropiane dhe mobilitet, në ligjin për veprimtari inovative, zhvillim shkencoro-teknologjik dhe sipërmarrësi, si dhe në ligjin për Inspektoratin arsimor. Lista vijon me ndryshimet në ligjin për shërbimin pedagogjik, ligjin për byronë e zhvillimit të arsimit, ligjin për aktivitetin filmik dhe ligjin për mbrojtjen e trashëgimisë kulturore. Në të përfshihen gjithashtu ligji për të drejtat e komuniteteve që përbëjnë më pak se 20% të popullsisë në Republikën e Maqedonisë së Veriut, ligji për inspektoratin për përdorimin e gjuhëve dhe ndryshimet në ligjin për evidencën amë.

Gjatë seancës, deputeti Skender Rexhepi kërkoi që rendit të ditës t’i shtohej Propozim-rezoluta për respektimin e standardeve të procedurës gjyqësore në gjykimin ndërkombëtar kundër ish-udhëheqësve të institucioneve të Republikës së Kosovës. Kryetari i Kuvendit, Afrim Gashi, tha se kjo rezolutë figuron në rendin e ditës së seancës së 85-të plenare dhe se seanca për shqyrtimin e saj do të caktohet kur të plotësohen kushtet.

Deputetët e Frontit Evropian mbështetën kërkesën e Rexhepit, ndërsa koordinatorja Rina Ajdari kritikoi punën e Gashit.

Në vijim të seancës së 105-të, Kuvendi ratifikoi ndryshimet në Protokollin 4, që lidhen me përkufizimin e konceptit “prodhime me origjinë” dhe