Categories: showbiz

Hetim i ri në Paris: Depardieu dhe Houellebecq dyshohen për përdhunim në grup dhe sulme seksuale

Prokuroria e Parisit ka nisur një hetim gjyqësor që përfshin aktorin e njohur francez Gérard Depardieu dhe shkrimtarin Michel Houellebecq, lidhur me dyshime për përdhunim në grup dhe sulme seksuale. Këtë e raportojnë mediat franceze BFMTV dhe Mediapart.

Hetimi u iniciua pas një ankese të paraqitur më 12 maj 2025 nga një grua, e cila pretendon se ka përjetuar abuzime seksuale gjatë xhirimeve të filmit “Thalasso” në vitin 2018. Filmi, me regji të Guillaume Nicloux, doli në ekrane në vitin 2019.

Të lidhura

None found

Gruaja, e cila në atë kohë ishte 32 vjeçe, thotë se u kontaktua për të interpretuar një rol. Sipas kallëzimit, asaj iu kërkua të luante një vajzë nga Europa Lindore, e përshkruar si prostitutë, e cila duhej të kërcente pa bluzë në një dhomë hoteli ku ndodheshin Depardieu dhe Houellebecq.

Ajo pretendon se gjatë kësaj situate u përball me abuzime seksuale. Në kuadër të hetimit, Depardieu dyshohet për përdhunim në grup, ndërsa Houellebecq dyshohet se ka vepruar si bashkëpunëtor. Ky i fundit përballet edhe me akuzën e sulmit seksual.

Sipas BFMTV, hetimet po kryhen nga disa gjyqtarë hetues në Paris. Deri tani nuk ka pasur asnjë marrje në pyetje dhe asnjëri prej të përfshirëve nuk është njoftuar zyrtarisht për statusin e tij në këtë proces.

Prokuroria e Parisit nuk ka bërë asnjë koment për rastin, ndërsa avokatët e Depardieu dhe përfaqësuesit ligjorë të ankueses kanë refuzuar të flasin.

Kujtojmë se kjo nuk është hera e parë që aktori francez përballet me akuza për abuzim seksual. Më 13 maj 2025, Depardieu u dënua me 18 muaj burg me kusht për sulme seksuale ndaj dy grave gjatë xhirimeve të filmit “Les Volets Verts” në vitin 2021.

Hetimi i ri në Paris e rikthen vëmendjen te akuzat ndaj aktorit, ndërsa pretendimet e fundit kundër tij dhe shkrimtarit Houellebecq mbeten objekt i procesit hetimor.

të fundit

E kaluara tronditëse e të dyshuarit për vrasjen në Suharekë: 19 vjet burg në Zvicër për vrasjen e bashkëshortes

Në vitin 2013, Rrahman H. u dënua në Zvicër me 19 vjet burgim për vrasjen e bashkëshortes së tij. Sipas…

3 minutes ago

Surprise search in Erion Veliaj’s cell after letter to Belinda Balluku / mayor reacts: You cannot take away my pencil and paper

Pak minuta pasi postoi letrën drejtuar Drejtueses së PS për Qarkun e Fierit, Drejtoria e Përgjithshme e Burgjeve ka ushtruar…

5 minutes ago

Gërvalla calls for concrete institutional engagement for gender equality

Ministrja e Drejtësisë, Donika Gërvalla, ka vlerësuar se Agjenda Parlamentare për Çështje të Grave dhe Barazi Gjinore 2027–2030 përbën një…

6 minutes ago

KEDS: Wind damaged the power grid, work continues to restore supply

KEDS-i ka njoftuar se ekipet janë duke punuar në terren për sanimin e plotë të problemeve dhe normalizimin e furnizimit…

6 minutes ago

Ruzhin: North Macedonia is adhering to the American course on the Palestinian issue

Ish-ambasadori dhe diplomati Nano Ruzhin thotë se Maqedonia e Veriut po ndjek linjën amerikane lidhur me çështjen e Palestinës."Mendimi im…

6 minutes ago

Vinicius Junior rikthehet te Real Madridi pas katër ndeshjeve pezullim

Real Madridi ka publikuar skuadrën e tyre për ndeshjen e nesërme (e shtunë) kundër Celta Vigos, ndërsa La Liga rifillon…

9 minutes ago