Haxhiu: Pezullimi i gjashtë policëve për dhunën në Saraj është hap drejt drejtësisë

Deputetja e VLEN-it, Feride Haxhiu, ka komentuar vendimin për suspendimin e gjashtë zyrtarëve policorë të dyshuar për përfshirje në dhunën ndaj dy të rinjve në Saraj.

Sipas saj, institucionet e trajtuan ngjarjen me përgjegjësi dhe në një kohë shumë të shkurtër, në përputhje me zotimin e dhënë nga zëvendësministri i Punëve të Brendshme, Astrit Iseni.

Haxhiu vlerësoi se masa e marrë ndaj policëve përbën një hap të rëndësishëm drejt sqarimit të plotë të rastit dhe identifikimit të përgjegjësve.

“Si VLEN, jemi të qartë: nuk ka tolerancë ndaj dhunës, nuk ka mbrojtje për askënd që shkel ligjin dhe nuk ka kompromis me drejtësinë!”, ka deklaruar ajo.

Deputetja nënvizoi se mbrojtja e sigurisë dhe dinjitetit të qytetarëve duhet të qëndrojë mbi çdo interes tjetër, ndërsa ligji, sipas saj, duhet të zbatohet në mënyrë të barabartë për të gjithë.