Gjatë seancës së sotme parlamentare për pyetje të deputetëve, kreu i LSDM-së, Venko Filipçe, i rikujtoi kryeministrit Hristijan Mickoski zotimet për kthimin e emrit, shfuqizimin e Marrëveshjes së Prespës, rishikimin e marrëveshjes me Bullgarinë dhe përmirësimin e kornizës negociuese.
Filipçe kërkoi nga Mickoski të tregojë se cilat prej premtimeve i ka zbatuar, në vend që të paraqesë si arritje zotime që, sipas tij, nuk janë përmbushur.
None found
“Kryeministër, tani e keni mundësinë. Qytetarët presin që emri të rikthehet, prandaj rikthejeni. Presin që Marrëveshja e Prespës të anulohet, atëherë anulojeni. Presin ndryshime ose përmirësime në marrëveshjen me Bullgarinë; bëjini ato. Po kështu presin edhe përmirësimin e kornizës negociuese, për të cilën keni premtuar 100 herë. Veproni për ta mbrojtur më mirë gjuhën, ndonëse me Bashkimin Evropian kemi të nënshkruar një marrëveshje në gjuhën maqedonase”, u shpreh Filipçe.
Ai tha se Mickoski vazhdon ta përdorë politikisht çështjen e identitetit dhe gjuhës maqedonase, ndërsa Presidentja Gordana Sijanovska-Davkova dhe Presidentja e Komisionit Evropian, Ursula von der Leyen, kanë pohuar se ato janë të mbrojtura.
Filipçe theksoi se Maqedonia mund të ndjekë rrugën drejt Evropës duke ruajtur identitetin dhe gjuhën maqedonase.
“Mbase do të vazhdoni ta mbroni identitetin dhe gjuhën tuaj kur të hapni pishinat. Megjithatë, Gordana Sijanovska ju ka thënë se të dyja janë të mbrojtura, ndërsa Presidentja von der Leyen ka dhënë të njëjtin mesazh: ju presim në Evropë me identitetin dhe gjuhën tuaj”, tha Filipçe./Telegrafi/
I ftuar në studion e News24, gazetari Artan Hoxha komentoi hetimet e SPAK-ut për krimet zgjedhore dhe vëmendjen politike të…
Presidenti amerikan Donald Trump ka zhvilluar një takim të veçantë në Manila me 97-vjeçaren Imelda Marcos, ish-zonjën e parë të…
Oficerët e lartë të Policisë në Skoci kanë kërkuar kufizimin ose ndalimin e shitjes së biçikletave dhe skuterëve elektrikë, pas…
Një ngjarje tronditëse e ndodhur në Francë në vitin 1987 ka marrë një tjetër zhvillim pas afro katër dekadash. [...]…
Një festë familjare e organizuar për të festuar lirimin e tij nga burgu federal përfundoi në tragjedi në Karolinën e…
Roli i ish-këshilltarit kryesor shëndetësor të Shtëpisë së Bardhë, Anthony Fauci, në një prej studimeve më të rëndësishme shkencore të…