Kryetari i LSDM-së, Venko Filipçe, deklaroi se vendimet e guximshme e çuan Maqedoninë në NATO, ndërsa, sipas tij, frikacakët po e mbajnë tani vendin të bllokuar.
Ai nënvizoi se Marrëveshja e Prespës i dha fund një problemi të madh shumëvjeçar, mosmarrëveshjes për emrin me Greqinë, duke i hapur shtetit perspektivë në aspektin e sigurisë dhe të zhvillimit ekonomik.
None found
“Marrëveshja e Prespës mbylli një çështje, një mosmarrëveshje dekadash të gjata për emrin me Greqinë. Ne tani, nga kjo distancë kohore, jemi shtet anëtar i NATO-s për tetë vjet, pjesë e aleancës më të fuqishme ushtarake, diçka që i inkurajon edhe investitorët të vijnë dhe të investojnë në vend, gjë që e kemi parë gjatë mandateve tona. Fatkeqësisht, tani kjo qeveri nuk po e bën këtë, nuk po e praktikon, thjesht nuk kanë kapacitet për të menaxhuar siç duhet ekonominë”, tha Filipçe.
Në përgjigjen e tij, Filipçe ngriti pyetjen se ku do të ndodhej sot Maqedonia nëse kontesti me Greqinë do të ishte zgjidhur shumë më herët.
“Ku do të ishim tani nëse ai mosmarrëveshje dekadash me Greqinë do të ishte zgjidhur në fillim të viteve ’90? A do të ishim në rangun e Sllovenisë, dhe jam mjaft i sigurt se do të ishim. Thjesht nuk do të na duhej të përballeshim me të gjitha problemet me të cilat po përballemi tani. Ky është vetëm një argument tjetër në favor të faktit se burrat e guximshëm të shtetit janë ata që na duhen. Nuk kemi nevojë për politikanë, frikacakë, si ata që aktualisht janë në Qeveri, të cilët kujdesen vetëm për interesat e tyre”, tha Filipçe.
Këtë të shtunë, studentë dhe qytetarë janë mbledhur në protestë para Ministrisë së Arsimit, në Rrugën e Durrësit, ku kërkojnë…
Ish-ushtaraku Hafir Hoxha ka reaguar lidhur me procesin gjyqësor ndaj krerëve të UÇK-së në Hagë, duke ngritur pikëpyetje për përgjegjësinë…
Llapi ka fituar me rezultat 4-1 ndaj Vushtrrisë në ndeshjen e vlefshme për javën e 14-të në Albi Mall Superligën…
Qytetarë dhe studentë, janë mbledhur për të protestuar para Ministrisë së Arsimit. Sot bëhen 175 ditë që qytetarët protestojnë kundër…
Ish-kreu i Policisë italiane, Gianni De Gennaro, i ka dhënë fund jetës duke u vetëvrarë me armë zjarri. Sipas asaj…
Analisti politik Sadri Ramabaja ka ngritur pikëpyetje për të ardhmen politike të Listës Studentore në Serbi, duke vënë në dyshim…