Categories: maqedoni

Banka Popullore kufizon afatet dhe këstet e kredive për qytetarët

Banka Popullore ka miratuar rregulla të reja për bankat që lidhen me kushtet e kreditimit të qytetarëve. Duke nisur nga 1 dhjetori, raporti mes këstit mujor dhe të ardhurave të kredimarrësit do të ulet me 5 pikë përqindjeje. Për kreditë në denarë, kësti maksimal nuk mund të kalojë 45 për qind të të ardhurave mujore, nga 50 për qind sa është aktualisht. Ndërsa për kreditë në valutë të huaj, kufiri zbret nga 45 në 40 për qind. Paralelisht, shkurtohen edhe afatet e shlyerjes: kreditë për banim do të mund të paguhen për një periudhë maksimale prej 25 vitesh, në vend të 30 viteve.

Të lidhura

None found

Sipas BPRM-së, ndryshimet parashikojnë uljen e vlerës maksimale të treguesit DSTI me 5 pikë përqindjeje, nga 50% në 45% për kreditë në denarë dhe nga 45% në 40% për kreditë me komponent valutor. Ky tregues përcakton pjesën e të ardhurave mujore që mund të përdoret për pagesën e kredive. Përjashtim bëjnë kreditë për blerjen e parë të banesës vetjake, për të cilat kufijtë mbeten 50% dhe 45%. Afati maksimal për kreditë për banim ulet nga 30 në 25 vjet, ndërsa për kreditë konsumatore hipotekare nga 20 në 15 vjet. Për blerjen e parë të banesës vetjake, periudha maksimale e shlyerjes mbetet 30 vjet.

Banka Popullore sqaron se synimi i këtyre masave është parandalimi i rreziqeve që mund të krijohen nga ngarkesa e tepërt e familjeve me borxhe, në një kohë kur sistemi bankar paraqitet i shëndetshëm dhe stabil.

“Banka Popullore për herë të parë i vendosi këto masa makroprudenciale në korrik të vitit 2023, ndërsa vendosja e tyre u forcua më tej nga dhjetori i vitit 2025. Të dhënat e deritanishme tregojnë përmirësim të strukturës së kreditimit të ri, me ulje të kreditimit të familjeve me ngarkesë më të lartë borxhi. Prandaj, vendosja shtesë e masave ka karakter parandalues dhe është e orientuar drejt kufizimit në kohë të rreziqeve potenciale nga mbingarkesa e tepërt me borxhe, para se ato të materializohen”, tha BPRM.

Sipas bankës qendrore, vendimi është marrë në një periudhë kur sistemi bankar është i qëndrueshëm dhe nuk evidentohen rreziqe sistemike. Cilësia e portofolit të kredive për personat fizikë vijon të përmirësohet, ndërsa kreditimi i kësaj kategorie vazhdon të zgjerohet. Në gjysmën e parë të këtij viti, rritja vjetore e kredive për personat fizikë ishte 12,2%, kundrejt 11,2% në vitin 2025. Rritja më e madhe u regjistrua te kreditë për banim, me 16,6%./TV21/

të fundit

Parashikimet astrologjike për 22 nëntor 2026

Dashi Mund të ketë një aspekt të natyrës suaj që e injoroni. Gjithmonë dëshironi të jeni ju ai që ka…

7 minutes ago

New details from the suspicious death of the 38-year-old on the Skopje ring road – what was found on his body?

Një plagë me armë zjarri në zonën e këmbës është vërejtur te 38-vjeçari i cili mëngjesin e sotëm u gjet…

47 minutes ago

How much the price of electricity is expected to rise from January 2027

Rryma për amvisëritë nga 1 janari në Maqedoninë e Veriut mund të shtrenjtohet për 2 deri në 3 për qind,…

47 minutes ago

Detaje të reja nga vdekja e dyshimtë e 38-vjeçarit në unazën e Shkupit – çfarë u konstatua në trupin e tij?

Një plagë me armë zjarri në zonën e këmbës është vërejtur te 38-vjeçari i cili mëngjesin e sotëm u gjet…

1 hour ago

Sa pritet të rritet çmimi i energjisë elektrike nga janari 2027

Rryma për amvisëritë nga 1 janari në Maqedoninë e Veriut mund të shtrenjtohet për 2 deri në 3 për qind,…

1 hour ago

Pronari i Milanit sinjalizon interes për yllin e Real Madridit: “Ndër më të mirët në botë, ndoshta më i miri

Pronari i Milanit, Gerry Cardinale, ka folur për planet e klubit italian në afatin kalimtar të janarit, duke konfirmuar se…

7 hours ago