Huadhënia bankare në vend po zgjerohet me një ritëm më të lartë se depozitat. Të dhënat për shtatorin tregojnë se kreditë e përgjithshme u rritën me 14,1 për qind në krahasim me të njëjtin muaj të vitit të kaluar, ndërsa zgjerimi është evident si te ekonomitë familjare, veçanërisht te kreditë për banim, ashtu edhe te sektori i biznesit.
Sipas Bankës Popullore, në raport me gushtin, kreditimi i përgjithshëm gjatë shtatorit u rrit me 1,3 për qind. Brenda portofolit të qytetarëve, huatë për banim patën rritjen më të madhe vjetore, prej 16,1 për qind. Kreditë konsumatore u shtuan me 12,4 për qind, ndërsa kreditë totale për ekonomitë familjare u rritën me 12,7 për qind.
None found
Edhe kompanitë përfituan nga një rritje e ndjeshme e financimit bankar. Kreditë për ndërmarrjet ishin 15,7 për qind më të larta se në shtatorin e një viti më parë. Banka Popullore vlerëson se ky zhvillim u ndikua kryesisht nga kreditimi në denarë, megjithëse u shtuan edhe huatë në valutë të huaj.
Gjatë së njëjtës periudhë u zgjeruan edhe depozitat bankare. Në shtator, ato u rritën me 9,2 për qind në bazë vjetore. Depozitat e qytetarëve shënuan të njëjtën normë rritjeje, ndërsa kursimet e ndërmarrjeve u shtuan me 8,6 për qind.
14,1% – Rritja vjetore e kredive të përgjithshme. 16,1% – Rritja vjetore e kredive për banim. 9,2% – Rritja vjetore e depozitave të qytetarëve – BPRMV
Në përfundim të shtatorit, detyrimet e papaguara të qytetarëve dhe kompanive ndaj bankave arritën në rreth 9,87 miliardë euro, sipas të dhënave të raportuara për këtë periudhë. /Alsat/
Një plagë me armë zjarri në zonën e këmbës është vërejtur te 38-vjeçari i cili mëngjesin e sotëm u gjet…
Rryma për amvisëritë nga 1 janari në Maqedoninë e Veriut mund të shtrenjtohet për 2 deri në 3 për qind,…
Një plagë me armë zjarri në zonën e këmbës është vërejtur te 38-vjeçari i cili mëngjesin e sotëm u gjet…
Rryma për amvisëritë nga 1 janari në Maqedoninë e Veriut mund të shtrenjtohet për 2 deri në 3 për qind,…
Pronari i Milanit, Gerry Cardinale, ka folur për planet e klubit italian në afatin kalimtar të janarit, duke konfirmuar se…
Ndërsa vëmendja ndërkombëtare është përqendruar te konflikti me Iranin, Koreja e Veriut po zgjeron infrastrukturën e saj bërthamore. [...] Read…