Kontrollet e Agjencisë për Ushqim dhe Veterinari kanë çuar në konfiskimin e rreth 2 tonëve mish të freskët dhe të ngrirë, si dhe të produkteve të mishit të konsideruara të pasigurta. Sasia e sekuestruar do të shkatërrohet në deponinë Drislla.
Inspektimet u zhvilluan në objektet e shitjes me pakicë të mishit, produkteve dhe përpunimeve të mishit në territorin e Komunës së Radovishit, ndërsa kontrolle u kryen edhe te një person fizik në fshatin Pepelishte të Negotinës. Ky person prodhonte dhe tregtonte përmes rrjeteve sociale mish të tymosur dhe kërcëllitje derri.
None found
Nga ky subjekt u morën gjithashtu 50 kilogramë produkte mishi, mes tyre mish i pjekur, kulen, proshutë e tymosur dhe produkte të tjera. Sipas Agjencisë për Ushqim dhe Veterinari, ato nuk kishin deklaratë mbi origjinën dhe ishin përpunuar e ruajtur në kushte të papërshtatshme dhe johigjienike, duke përbërë rrezik serioz për sigurinë ushqimore dhe shëndetin e konsumatorëve.
Produktet e tymosura, proshuta e tymosur dhe artikujt e tjerë të mishit shiteshin nëpërmjet rrjeteve sociale. Inspektimi konfirmoi se prodhuesi dhe shitësi nuk dispononte autorizimin përkatës, ndërsa përpunimi dhe ruajtja kryheshin në kushte johigjienike.
Disa ditë më herët, gjatë kontrolleve në dy mishtore në Strugë dhe Ohër, Agjencia për Ushqim dhe Veterinari kishte konfiskuar dhe asgjësuar 1.000 kilogramë lukth pule dhe 55 kilogramë përgatitje mishi që përmbanin këtë produkt. Importi dhe përdorimi i tij për konsum njerëzor janë të ndaluara.
Agjencia njofton se inspektimet do të vijojnë, me synim mbrojtjen e shëndetit të qytetarëve dhe ndalimin e tregtimit të ushqimeve të pasigurta.
Ish-kryetari i Kuvendit të Kosovës, Jakup Krasniqi, është kthyer në Hagë pas vizitës në Kosovë, e cila ishte autorizuar për…
Policia ka zbardhur vjedhjen e një banese në lagjen nr. 4 në Durrës, ku janë marrë shuma të konsiderueshme parash…
Zgjerimi i bashkëpunimit ndërmjet Shqipërisë dhe Kosovës në fushën e shëndetësisë, forcimi i kapaciteteve spitalore dhe garantimi i aksesit në…
Një valë zgjedhjesh në disa prej vendeve më të rëndësishme të Evropës gjatë 13 muajve të ardhshëm mund të ndryshojë…
Belgjika pritet të përballet me paralizim të transportit ajror dhe atij publik më 23 nëntor, për shkak të një proteste…
Kryebashkiaku i Tiranës, Erion Veliaj, ka reaguar për refuzimin e kryerjes së operacionit në spitalin Memorial të Fierit. Veliaj pretendon…