Përgatitja e vetes për një ditë të mirë nuk do të thotë vetëm të kesh një rutinë normale në mëngjes. Por, duket se në përcaktimin e gjendjes së lumturisë ka shumë ndikimin edhe ajo që bëni në mbrëmje.
Disa zakone të vogla mund të sjellin ndryshime të mëdha në gjendjen tuaj dhe në ndjesinë e lumturisë gjatë gjithë ditës.
1 Bëni një ecje në mbrëmje
Një shëtitje e shkurtër mund të ndihmojë në qetësimin e trurit dhe nervave, pas një dite të lodhshme me plot angazhime. Vetëm disa minuta ecje jashtë në natyrë mund të ulin nivelet e sheqerit në gjak dhe t’ju ndihmojnë të qetësoheni.
2 Lëre telefonin në një dhomë tjetër
Me siguri e keni parë efektin që ka gjumi në gjendjen tuaj fizike dhe mendore të nesërmen. Ekspertët sugjerojnë që të fikni celularin dhe të mos e prekni 30 minuta para gjumit ose nëse doni qetësi absolute thjesht çojeni telefonin në një dhomë tjetër.
3 Bëni dush ose vaskë me ujë të ngrohtë
Zhytja në ujin e vaskës në krahasim me dushin është një ritual që ndikon direkt në gjendjen e humorit, duke ulur nivelet e depresionit, përmirësimi i cilësisë së gjumit dhe efektet pozitive në sistemin kardiovaskular.
4 Reflektoni për ditën që keni kaluar
Pavarësisht nëse i keni përmbushur angazhimet e ditës dhe sa produktivë keni qenë në çdo drejtim nga ai familjar te projektet e punës, sërish reflektimi për ditën është një praktikë e shkëlqyer për t’u qetësuar dhe për ta mbyllur kapitullin e një dite të ngarkuar.
5 Përfundoni ditën me mirënjohje
Para se të flini, shkruani tre deri në pesë gjëra për të cilat jeni mirënjohës. Ky akt i thjeshtë i renditjes së bekimeve në jetë mund të përmirësojë gjendjen tuaj të përgjithshme.
