Zjarri që përfshiu mbi shtatë fshatra në Gramsh ka nxjerrë nga shtëpitë qindra banorë, të cilët iu kërkua të evakuohen sa më parë.
Një imazh i trishtë vjen nga fshati Skënderbegas, ku situata është më e rëndë se në zonat e tjera. Një familje largohet nga banesa në përpjekje për t’i shpëtuar flakëve.
Të dëshpëruar, me lot në sy për gjithçka lanë pas, me këmbënguljen për të marrë me vete edhe bagëtitë, ata largohen pa e ditur se ku do të strehohen…
Shtatë fshatra janë evakuar në Gramsh, teksa flakët vijojnë të përhapen më tej.
