“Nuk ka asgjë të ndershme në tërheqjen e Zoran Zaevit nga pozita. Përveç se u dëbua në zgjedhjet lokale, do të mbahet mend si kryeministri më i keq në historinë e Maqedonisë”, shkruhet në postimin e Mickoskit.

The post “Zaev do të mbahet mend si kryeministri më i keq në historinë e Maqedonisë” appeared first on Albeu.com.

Përmes letrës që mban firmën e kryeminisitrit të Shqipërisë, Edi Rama; Presidentit të Serbisë, Aleksandër Vuçiç dhe kryeministrit të Maqedonisë së Veriut, Zoran Zaev, krerët e shtetit i bëjnë thirrje vendeve të tjera të rajonit që të bashkohen në këtë nismë.

Në letrën e tre liderëve që publikohet sot nga Albeu.com, Abcnews.al dhe Gazeta Express thuhet se vizioni i tyre është të tejkalohen pengesat sociale, ekonomike dhe tregtare që ngadalësojnë rritjen ekonomike të rajonit nëpërmjet zbatimit të katër lirive  themelore të BE-së.

Edhe pse nisma e Ballkanit të Hapur përfshin deri tani vetëm Serbinë, Shqipërinë dhe Maqedoninë e Veriut, Rama, Vuçiç dhe Zaev theksojnë se nisma ka qenë dhe do të jetë e hapur për të gjithë vendet e tjera të Ballkanit Perëndimor.

“Ne kemi ndasitë tona, nuk biem dakord për disa çështje politike, por të gjithë e pranojmë se ekonomia dhe katër liritë themelore të BE-së janë mënyra më e mirë për t’i dhënë rajonit tonë shpresë për një paqe afatgjatë. Ballkani i Hapur nuk është një çmim ngushëllues në vend të anëtarësimit në BE, por përkundrazi, një hap i madh drejt tij”, thuhet në letrën e hapur nga tre liderët të siguruar nga abcnews.al.

Një thirrje nga Rama, Vuçiç dhe Zaev, shkon edhe për BE ku theksojnë se duhet të bashkohet e të mbështesë plotësisht Ballkanin e Hapur dhe të nxisë fqinjët e tjerë që ta shndërrojnë gjithëpërfshirjen e nismës nga një nevojë në një vepër.

“Është koha që të gjithë kombet dhe njerëzit e rajonit të bashkohen për një të ardhme të përbashkët më të mirë. Për një të ardhme që ofron stabilitet, paqe dhe standarde më të larta jetese për të gjithë. Një të ardhme që i tejkalon mosmarrëveshjet e së shkuarës dhe u jep fëmijëve tanë shpresë në vendin ku ata meritojnë të jetojnë”, theksohet në letër.

Më poshtë gjeni letrën e plotë të tre liderëve

Europa nuk është thjesht një kontinent, por një vizion. Megjithatë, për një kohë të gjatë, qytetarët e Ballkanit Perëndimor si pjesë integrale e kontinentit dhe e këtij vizioni, janë lënë jashtë. Dëshira e popullit tonë për t’u bërë pjesë e familjes së BE është shpërfillur herë pas here për shkak të politikës së brendshme të vendeve anëtare, mungesa e realizimit të premtimeve të bëra si dhe frika nga e ardhmja. Kjo ka sjellë zhgënjim, paqëndrueshmëri, emigracion dhe mungesë investimesh të mëdha.

Ne,si udhëheqës të vendeve tona mund të vendosim të vendosim të rrimë e të qahemi apo të veprojmë.Ne zgjodhëm këtë të fundit. Në nëntor 2019, nënshkruam një marrëveshje paraprake për të çuar përpara të ashtuquajturin Procesi i Berlinit duke marrë përsipër një bashkëpunim më të thellë rajonal.

Vizioni ynë është të tejkalojmë pengesat sociale, ekonomike dhe tregtare që ngadalësojnë rritjen ekonomike të rajonit tonë nëpërmjet zbatimit të katër lirive  themelore të BE-së në vendet tona.

Që atëherë ne jemi takuar sistematikisht dhe kemi nënshkruar marrëveshje që u mundësojnë qytetarëve tanë të punojnë lirisht në vendin fqinj; që reduktojnë kontrollet kufitare të cilat do të lejojnë kalimin e mallrave pothuajse pa vonesë; themelojnë mekanizma për udhëtimin e lirë të qytetarëve tanë ndërmjet vendeve tona – ashtu siç udhëtojnë qytetarët e BE-së mes tyre. Nisma jonë, e pagëzuar si “Ballkani i Hapur”, ka treguar efikasitet dhe dobishmëri edhe ne kohët e vështira të pandemisë.

Edhe pse nisma e Ballkanit të Hapur përfshin deri tani vetëm Serbinë, Shqipërinë dhe Maqedoninë e Veriut, ajo ka qënë dhe do të jetë e hapur për të gjithë anëtarët e Ballkanit Perëndimor. Shfrytëzojmë këtë mundësi dhe ftojmë edhe një herë të gjithë fqinjët tanë të bashkohen për t’u ofruar qytetarëve të tyre dobitë që ne u ofrojmë qytetarëve tanë.

Nëpërmjet lirisë së lëvizjes së njerëzve, mallrave, kapitaleve dhe shërbimeve, bashkëpunimi ynë mund të nxisë tregtinë dhe rritjen ekonomike për ta bërë jetën më të lehtë për gjithsecilin prej nesh.

Të akuzuar shpesh si “fuçia e barutit” e Europës, ne si udhëheqës përgjegjës nuk mund të lejojmë që rajoni ynë të kthehet përsëri në makthet e së kaluarës, ndërkohë që BE-ja nuk është në gjendje të bëjë më shumë për zgjerimin në këtë faze që është.

Ne kemi ndasitë tona, nuk biem dakord për disa çështje politike, por të gjithë e pranojmë se ekonomia dhe katër liritë themelore të BE-së janë mënyra më e mirë për t’i dhënë rajonit tonë shpresë për një paqe afatgjatë.

Ballkani i Hapur nuk është një çmim ngushëllues në vend të anëtarësimit në BE, por përkundrazi, një hap i madh drejt tij. Ashtu si Komuniteti i Qymyrit dhe Çelikut parapriu lindjen e Bashkimit Europian pas Luftës së Dytë Botërore, edhe “Ballkani i Hapur” do të mbahet mend si momenti që i afroi kombet tona më pranë Bashkimit Europian dhe drejt anëtarësimit të plotë në bllokun më të madh tregtar në botë.

Disa liderë europianë dhe administrata amerikane kanë shprehur tashmë mbështetjen e tyre dhe ne i falënderojmë ata për këtë.  Gjithashtu sipërmarrës, fermerë, studentë nga i gjithë Ballkani Perëndimor shprehën mbështetjen e tyre gjithashtu. Ata janë një frymëzimi ynë.

Tani e gjithë BE-ja duhet të bashkohet e të mbështesë plotësisht Ballkanin e hapur dhe të nxisë fqinjët e tjerë që ta shndërrojnë gjithëpërfshirjen e nismës sonë nga një nevojë në një vepër. Është koha që të gjithë kombet dhe njerëzit e rajonit të bashkohen për një të ardhme të përbashkët më të mirë.

Për një të ardhme që ofron stabilitet, paqe dhe standarde më të larta jetese për të gjithë. Një të ardhme që i tejkalon mosmarrëveshjet e së shkuarës dhe u jep fëmijëve tanë shpresë në vendin ku ata meritojnë të jetojnë.

Zoran Zaev

Edi Rama

Aleksandar Vuçiç/abcnews.al

The post Ekskluzive/ Rama, Vuçiç dhe Zaev, letër të hapur para takimit në Tiranë: Shtetet e rajonit të na bashkohen! appeared first on Albeu.com.

Pas takimit liderët nuk dhanë deklaratë, por Qeveria lëshoi kumtesë. Nga Qeveria informojnë se takimi i sotëm ishte në kuadër të konsultimeve për prioritetet qeveritare, për marrjen e përgjegjësive dhe për mirëmbajtjen dhe avancimin e shumicës qeveritare dhe parlamentare, njoftojnë nga Qeveria.

“Në takim është konstatuar se është plotësuar qëllimi që të sigurohet qeveri dhe shumicë parlamentare stabile të cilat veprojnë në interes të qytetarëve dhe shtetit”, informojnë nga Qeveria.

Në kumtesë shtohet se Zaev, Ahmeti dhe Kovaçevski janë pajtuar se qeveria e re do të jetë tërësisht e fokusuar në lëvizje të shpejtë të shtetit në rrugën euroatlantike dhe se qëllimi i suksesit të parë të qeverisë të jetë gjetja e zgjidhjes së sfidave në lidhje me Bullgarinë dhe fillimin e bisedimeve për anëtarësim në BE.

“Zgjedhjet e ardhshme parlamentare është e pritshme që të jenë të rregullta dhe të mbahen në vitin 2024, a deri atëherë Qeveria të tregojë rezultate ekonomike, shërbime të shpejta dhe cilësore ndaj qytetarëve dhe menaxhim të suksesshëm me pandeminë dhe krizën energjetike”, thuhet në kumtesë.

Takimi vjen pas dorëheqjes së Zoran Zaevit nga pozita e kryetarit të LSDM-së dhe marrjes zyrtare të postit nga kryetari i ri i LSDM-së, Kovaçevski. Sipas paralajmërimeve, Zaev pritet të japë dorëheqje edhe nga pozita e kryeministrit, javën e ardhshme.

Pas kësaj pritet që të bëhet rikonstruimi i Qeverisë, duke e përfshirë edhe Alternativën, e cila u fut në koalicion qeveritar.

The post Mbaroi pa deklarata takimi Ahmeti-Zaev-Kovaçevski appeared first on Albeu.com.

Në këtë garë për udhëheqësin e LSDM-së garojnë  kandidatët, Frosina Remenski, Dimitar Kovaçevski, dhe Jovan Despotovski.

Në Mbledhjen e Këshillit qëndror të LSDM-së kur u shpallën zgjedhjet e brendshme të LSDM-së pas dorëheqjes së Zoran Zaevit, ky i fundit e promovoi Kovaçevskin për në krеun e partisë.

Për të parin e LSDM-së nesër do të votohet në 194 vendvotime nëpër organizata komunale në të gjithë shtetin. /albeu.com/

The post LSDM sot zgjedh liderin e ri të partisë appeared first on Albeu.com.

Kryetari i VMRO DPMNE-së, tha se dyshon se “kryeministri në largim Zoran Zaev do të bëjë me Sofjen një marrëveshje të dëmshme për interesat maqedonase”, por, sipas tij, ajo do të ishte e papranueshme për partinë që drejton.

“Zoran Zaev në largim është i gatshëm të nënshkruajë një marrëveshje të re edhe pse na siguroi se i ka zgjidhur të gjitha çështjet e hapura me fqinjët tanë në të cilat do të pranojë pjesërisht ose plotësisht Rezolutën e miratuar nga Kuvendi bullgar në nëntor 2019, nëse nuk gaboj. Ajo asimilon plotësisht popullin maqedonas dhe paraqet goditje e drejtpërdrejtë mbi identitetin tonë. Meqenëse ai po largohet, jam i shqetësuar se mund ta bëjë këtë lëvizje dhe të gjithë do t’i paguajmë pasojat”, ka deklaruar Mickoski.

Ai nuk dha detaje tjera, se kur pritet të arrihet marrëveshja dhe çfarë konkretisht përmban.

Mickoski tha se Maqedonia e Veriut “e meriton nisjen e bisedimeve, jo vetëm për shkak të reformave, por thjesht për shkak të gjithçkaje që bëri qytetari maqedonas për integrimin evropian”, por marrëveshja, sipas tij, nuk duhet të dëmtoj interesat kombëtare.

“Ne i ndajmë vlerat me BE-në dhe vërtet është koha e fundit që BE-ja të tregojë vlerat e saj në veprim dhe të braktisë kërkesat hegjemoniste të fqinjit tonë lindor që nuk kanë lidhje me vlerat evropiane, por janë kërkesa që ndoshta mund të ishin të pranueshme sikur të ishim dy apo tre shekuj në të kaluarën”, ka deklaruar Mickoski, gjatë qëndrimit në qytetin e Shtipit.

Kryeministri Zoran Zaev, të dielën, më 5 dhjetor, pas arritjes së marrëveshjes me partinë Alternativa për pjesëmarrje në qeveri, tha se pret zgjidhje të shpejt me Bullgarinë, por pa dhënë detaje tjera.

Ai dorëheqjen nga posti i kryeministrit, të paralajmëruar, më 31 tetor, e ka shtyrë, me arsyetimin se nuk dëshironte thellimin e krizës në kohën kur sipas tij, Maqedonia e Veriut gjendet para marrëveshjes me Bullgarinë për nisjen e bisedimeve me BE-në për anëtarësim.

Por, ndryshe nga lideri i opozitës maqedonase, bashkëkryetari bullgar i Komisioni të Përbashkët për Çështje Historike dhe Arsimore, Angel Dimitrov, tha për mediat në Sofje se “nuk sheh bazë që Maqedonia e Veriut të nis bisedimet e anëtarësimit”.

“Dëshiroj të them se Republika e Maqedonisë së Veriut është e gatshme të fillojë negociatat, por nuk shoh asnjë bazë për këtë…kemi ngecur në shekullin X-XI, fundin e Perandorisë së Parë Bullgare, kohën e Car Samuelit dhe pasardhësve të tij…Për ta kjo është një rrugë e rrëshqitshme, sepse nuk ka asnjë dëshmi historike që flet për ekzistencën e popullit maqedonas, shtetit maqedonas dhe se Samueli është mbret maqedonas, mbi bazën e të cilit do të fillonte një diskutim serioz”, ka deklaruar Dimitrov për televizionin bullgar BNT.

Bullgaria në nëntor të vitit 2020, ka bllokuar nisjen e bisedimeve midis Shkupit dhe Brukselit, duke thënë se bllokada do të mbetej në fuqi derisa të arrihet një marrëveshje për identitetin dhe gjuhën maqedonase, por edhe lidhur me mosmarrëveshjet rreth të kaluarës historike mes dy shteteve. /REL/

The post Pas një jave pritet të arrihet marrëveshje me Bullgarinë, e paralajmëroi Mickoski appeared first on Albeu.com.

“Kryetari Gashi i njoftoi kuvendarët me bisedimet e deritanishme, duke u ndalur veçmas në pikat programore për të cilat janë dakorduar si dhe përgjegjësitë që janë marrë, pastaj pas një diskutimi dhe pyetjeve të parashtruara, Kuvendit Qendror i Alternativës me shumicë votash vendosi që Alternativa t’i bashkëngjitet shumicës parlamentare të Qeverisë aktuale”, tha mes tjerash Murtezani.

Nga kjo parti vendimin e arsyetuan me krizën në të cilën gjendet vendi, si dhe mundësinë për hapjen e rrugës së eurointegrimeve.

Në lidhje me, pse Alternativa vendosi të bëhet pjesë e Qeverisë? Murtezani tregon arsyet:

“Me këtë rast po i shpjegojmë disa nga arsyet që na ka shtyrë drejt këtij vendimi. Është këtu momenti historik i hapjes së negociatave për aderim në BE, dhe mbyllja e kontestit me Bullgarinë, që janë jo vetëm synime historike shtetërore por edhe shqiptare, sepse në këtë mënyrë bashkë me vendin tonë i hapet rruga integrimit dhe stabilitetit mbarë rajonit”, tha Murtezani.

Të pyetur se me cilat resorë do të udhëheqë Alternativa, si pjesë e ekzekutivit, Murtezani refuzoi të përgjigjet konkretisht, duke thënë se nuk ka kompetenca dhe se detajet do t’i jep gjatë ditës së nesërme lideri i partisë, Afrim Gashi.

“Ne do të marrim përgjegjësi me rëndësi në resorin e shëndetësisë, luftës kundër krimit dhe korrupsionit, energjetikës, organizimit të mërgatës por edhe arsimit, kulturës dhe ngritjes të cilësisë së jetës së qytetarëve duke e ndihmuar jetën ekonomike të të gjithë qytetarëve të vendit”, theksoi mes tjerash Murtezani.

Përveç tjerash, u njoftua se gjatë ditës së nesërme, në ora 13:00 në Klubin e Deputetëve, kryeministri Zoran Zaev dhe lideri i kësaj partie, Afrim Gashi do të nënshkruajnë marrëveshje për programin e ri, pas çka do të japin detaje edhe për ndarjen e resorëve./TV21

The post Alternativa bëhet pjesë e Qeverisë, Zaev e Gashi nesër formalizojnë marrëveshjen appeared first on Albeu.com.

“Kjo paraqet asimilim të plotë të popullit maqedonas dhe sulm direkt ndaj identitetit të popullit maqedonas. Meqenëse është në ikje jam i shqetësuar se mund të bëjë këtë hap, ndërsa pasojat do t’i paguajmë të gjithë ne”, tha Mickoski.

The post Mickoski: Zaev mund të nënshkruaj edhe një marrëveshje të re me Bullgarinë appeared first on Albeu.com.

Sa i përket drejtorive nën ombrellën e pushtetit qendror, Alternativa do të marrë përgjegjësi për të udhëhequr rreth 25 drejtori. Por se cilat institucione konkretisht do të drejtohen nga partneri i ri qeveritar, do të vendoset në takimet e radhës.

Takimi i katërt mes kryeministrit Zoran Zaev dhe kryetarit të Alternativës Afrim Gashi do të zhvillohet nesër. Në këtë takim pritet të konkretizohen çështjet e resorëve dhe palët të afrohen drejt finalizimit të marrëveshjes për bashkëqeverisje. Siç u kumtua nga vetë Qeveria, Zaev dhe Gashi në dy takimet e para janë marrë vesh për programin dhe parimet e bashkëqeverisjes, me inkorporimin e prioriteteve të Alternativës në programin qeveritar.

Nëse bisedimet përfundojnë me marrëveshje, në Kuvend do të propozohet Qeveri e re dhe jo riformatim i Qeverisë aktuale. Qeveria e re do të udhëhiqet nga kryetari i ri i LSDM-së, i cili do të zgjidhet më 12 dhjetor. /SHENJA/

The post Nesër takim i ri Zaev-Gashi (VIDEO) appeared first on Albeu.com.

“Në takimin është konstatuar avancim evident në përputhjen e qëndrimeve dhe plotësimin e pjesës përmbajtjesore, ndërsa janë shkëmbyer edhe ide nga të dyja palët për ndarjen e përgjegjësive në nivelin më të lartë në institucionet e pushteti Qendror”, thuhet në komunikatën e Qeverisë.

Më tej, thuhet se deri në fund të javës do të mbahen konsultimet e nevojshme në partitë me qëllim që të arrihet marrëveshja për Qeveri të përbashkët e cila do të ballafaqohet me sfidat të cilën e pret vendi, që nga pandemia dhe kriza globale energjetike deri tek realizimi i qëllimeve strategjike të Maqedonisë së Veriut. /SHENJA/

The post Zaev-Gashi: Është shënuar avancim i dukshëm në bisedimet, konsultimet brenda partive vazhdojnë appeared first on Albeu.com.

Sipas tij, deri më tani gjithçka që Grubi ka thënë për Zaevin ka rezultuar e vërtetë.

The post Dimovski: Dorëheqja e Zaevit mund të ndalet appeared first on Albeu.com.