Sipas tij, këto veprime përbëjnë një rrezik për sigurinë kombëtare dhe janë pjesë e një strategjie më të gjerë të politikës agresive serbe ndaj Kosovës.

“Shiheni, në vazhdimësi ne kërcënohemi nga Serbia. Kohët e fundit po besoj që tashmë e dini që ka një lëvizje të paautorizuar apo shkeljes së hapësirës sonë ajrore përmes dronëve të cilët kohë pas kohe qarkullojnë apo shkelin hapësirën tonë ajrore”, tha ai në një intervistë për KTV.

Sveçla ka thënë se kanë identifikuar disa raste të dronëve serbë mbi Kosovë, mirëpo sipas tij nuk ka asgjë për t’u shqetësuar.

“Ne jemi duke i hetuar në mënyrë profesionale, në koordinim me KFOR-in dhe shërbimet partnere. Në momentin që kemi më shumë informacione, patjetër që do t’i ndajmë me publikun. Për momentin nuk ka asgjë për të cilën qytetarët duhet të brengosen. Të gjitha institucionet janë në krye të detyrës”, theksoi ministri.

Ministri theksoi gjithashtu se; politika e jashtme e Serbisë vazhdon të mbajë të njëjtin kurs hegjemonik, duke synuar përfitime nga ndryshimet e rrethanave globale për të sfiduar pavarësinë dhe sovranitetin e Kosovës.

The post Xhelal Sveçla: Dronë serbë kanë hyrë në hapësirën ajrore të Kosovës, po hetojmë me KFOR-in appeared first on Albeu.com.

Këtë akt, Sveçla e ka cilësuar si tendencë të Serbisë për kontrollin e pjesëtarëve të komunitetit serb në Kosovë.

Ai pohon se “kërcënimeve, djegies së pronave, vendosjes së eksplozivit dhe rrezikimit të jetës por dhe shtypjes së atyre që mendojnë drejtë e ndryshe, i ka kaluar koha”.

Sveçla deklaron se “zërat kundërshtarë në radhët e komunitetit po shtohen çdo ditë, për të çliruar qytetarët nga gangsterët dhe kuazi politikanët pro Serbi”.

“Kur Serbia humbet betejat politike, në mungesë argumentesh kthehet te retorika luftnxitëse dhe aktet e dhunës deri në terrorizëm”, shkruan Sveçla.

The post Sveçla publikon pamjet e makinës në Leposaviç që iu vendos eksploziv, akuzon Serbinë për terrorizëm appeared first on Albeu.com.

Për ministrin Sveçla, Vuçiç dhe qeveria e tij kanë përdorur territorin e Kosovës për të shkaktuar tensione në të gjithë rajonin, por edhe më gjerë.

Vendimin për dinarin, ministri Sveçla e quajti të drejtë dhe normal për një vend që aspiron të jetë pjesë e Bashkimit Evropian.

The post Ministri Xhelal Sveçla: Vuçiç përdori Kosovën për të shkaktuar tensione në rajon appeared first on Albeu.com.

Sveçla ka thënë se simboli i vetëm i Serbisë brenda shtetit të Kosovës do të jetë ambasada e saj në Prishtinë.

“Sot në Zveçan janë larguar billbordet ilegale me simbole dhe imazhe të diktatorëve e agresorëve të cilat janë të papranueshme në Republikën e Kosovës”, ka shkruar ministri në Facebook.

Ai shtoi se Republika e Kosovës është e përcaktuar qartë për vlerat demokratike dhe orientimin euro-atlantik të saj ndërkaq si institucione mbesim të përkushtuar për rend e ligj dhe zbatim të kushtetushmërisë në çdo pjesë të vendit tonë.

“Këto billborde e imazhe të fashistëve e agresorëve si Vladimir Putin dhe kundërshtarëve të shtetit tonë, nuk do të gjejnë vend në shtetin tonë”, ka shtuar Sveçla.

Në banderolë në mesin e disa figurave ishte vendosur edhe fotografia e presidentit të Serbisë, Aleksandar Vuçiç dhe homologut të tij rus, Vladimir Putin.

The post Shfaqnin imazhe të agresorëve serbë, ministri i Brendshëm i Kosovës për heqjen e banderolave: Simboli i vetëm i Beogradit në vendin tonë, ambasada appeared first on Albeu.com.

“Bashkë me ministrin Elbert Krasniqi, Drejtorin e Përgjithshëm të Policisë Gazmend Hoxha dhe Drejtorin e Departamentit të Kufirit Fehmi Xhata, sot kemi vizituar brezin kufitar verior mbi fshatin Bërnjak, që shtrihet përgjatë asetit tonë, Liqenit të Ujmanit. Policia jonë në nivelin më të lartë të detyrës e me vigjilencë po mbron kufijtë tanë dhe po vazhdon të jetë në shërbim të të gjithë qytetarëve tanë. Kjo pavarësisht sulmeve të njëpasnjëshme të grupeve kriminale e terroriste të Serbisë, të cilat janë bërë 115 sosh vetëm në veriun e vendit tonë”, ka shkruar Sveçla në Facebook.

Ai tutje theksoi se bashkë me ekipin, zyrtarët policor kufitar e të Njësisë së Ndërhyrjes së Shpejtë të Kufirit biseduan për nevojën e avancimit të kapaciteteve në pikat kufitare e në menaxhimin sa më efikas të brezit tonë kufitar.

“Mbështetja ime nuk do të mungojë për Policinë e Kosovës për të garantuar siguri e integritet të Republikës sonë”, ka shtuar Sveçla.

Ai për sot kishte aranzhuar një vizitë në Luginën e Preshevës me ftesë të Këshillit Kombëtar Shqiptar, por vizita e tij u pamundësua nga autoritetet e Beogradit, të cilat refuzuan t’i japin leje për një vizitë të tillë.

The post Iu ndalua vizita në Preshevë, Sveçla me polici viziton brezin kufitar përgjatë Liqenit të Ujmanit appeared first on Albeu.com.

Balla nënvizoi se përmes 26 marrëveshjeve, në fushën e mbulimit të dy ministrive sot ka një bashkëpunim të shkëlqye në luftën kundër krimit, migracionit të paligjshëm dhe kontrollit kufitar.

“Mikprita sot në Tiranë Ministrin e Brendshëm të Republikës së Kosovës Xhelal Sveçla. Përmes 26 marrëveshjeve në fushën e mbulimit të dy ministrive, kemi sot një bashkëpunim të shkëlqyer në luftën kundër krimit, migracionit të paligjshëm, kontrollit kufitar etj”, shkruan Balla.

The post Balla mirëpret Sveçlën: Falë nënshkrimit të 26 marrëveshjeve mes dy ministrive kemi bashkëpunim të shkëlqyer appeared first on Albeu.com.

Ai tha se kjo do të ishte një sjellje normale dhe nuk ka çfarë të diskutohet apo të vihet në dyshim, pasi çdo shtet i pavarur dhe sovran do të vepronte në këtë formë.

“Kushdo që futet në republikën e Kosovës, jashtë rregullave normale të një shteti sovran, ai është subjekt i ligjit. Aleksandër Vuçiç është një agresor në raport me republikën e Kosovës. Posaçërisht ai do të arrestohet, nëse futet në territorin e republikës së Kosovës pa lejen e republikës së Kosovës.

Nuk ka këtu çfarë të diskutohet dhe as çfarë të vihet në dyshim. Kjo është një sjellje normale e çdo shteti sovran dhe do të ishte jo vetëm papërgjeshmëri por edhe dështim i gjithë institucioneve nëse kjo ndodh e ne nuk marrim ndërveprime. Ne jemi votuar për t’i shërbyer shtetit të pavarur dhe sovran të shtetit të Kosovës, për ta fuqizuar atë duhet që rendi dhe ligji të veprojnë”, tha Xhelal Sveçla.

The post Sveçla i prerë: Nëse Vuçiç futet në Kosovë pa lejen e qeverisë, do arrestohet appeared first on Albeu.com.

Ai zbuloi se gjatë ndërhyrjes është zbuluar një sasi e jashtëzakonshme armatimi të rëndë, uniforma, logjistikë, ushqime, pajisje për barrikada, teksa shtoi se këto ishin pajisje për disa qindra sulmues të tjerë.

Sakaq, ai shtoi se policia është në çdo cep të manastirit dhe se aksioni policor në Banjskë vijon.

“Grupe të armatosura sulmuan patrullën tonë dhe vranë rreshterin Afrim Bunjaku. Po ashtu kishim edhe një zyrtar të plagosur dhe një të lënduar. Shpreh ngushëllimet më të thella familjes dhe të afërmve të viktimës. Pas kësaj përgjigja e zyrtarëve të policisë ishte e menjëhershme dhe profesionale, ku për një kohë të shkurtër vendosën territorin nën kontroll.

Kishim edhe një tjetër zyrtar lehtë të lënduar, por të tjerët falë profesionalizmit ia dolën pa lëndime e pa viktima të tjera të kryejnë operacionin. Me këtë rast kemi 6 të arrestuar, 2 nga ata të plagosur, me uniformë ushtarake. kemi të paktën 3 sulmues të vrarë. Me këtë rast policia ka zbuluar një sasi të jashtëzakonshme armatimi të rëndë, uniforma, logjistikë, ushqime, pajisje për barrikada dhe lirshëm mund të themi se ishin pajisje për disa qindra sulmues të tjerë.

Policia është në çdo cep të manastirit. Aty ka një numër pelegrinësh dhe do hetohet që mos të ketë të infiltruar nga sulmuesit”, u shpreh ai.

The post “U zbulua armatim i jashtëzakonshëm”, ministri Sveçla: Operacioni vijon, policia në çdo cep të manastirit appeared first on Albeu.com.

“Për me leje, te Kryeministri, për pa leje te unë”, ka deklaruar Sveçla në ATV.

I pyetur se a po thotë se do ta arrestonin Vuçiçin, Sveçla tha se kushdo që futet pa leje në territorin e Kosovës do të arrestohet, përfshirë edhe presidentin serb.

Lexo edhe: Vuçiç në Kosovë? Presidenti serb përplaset me gazetarin: Do vij, nuk e pyes Kurtin

“Është çështje vendimmarrëse e Kryeministrit në qoftë se ka kërkesë, a i jep leje apo jo Vuçiçit. E, për pa leje, pastaj dihet cilat institucione merren me të”.

“Nëse futet në Kosovë, pa asnjë dyshim. Si po mendoni ju që dikush, shtetas i huaj mund të futet në Republikën e Kosovës pa lejen e institucioneve të Kosovës.”

Po të ndodhte e kundërta, Sveçla tha se kjo do të dëshmonte jo shtetësi nga ana jonë.

“Cilat janë pasojat? Pasoja është që thjesht nuk ke shtet nëse kreu i shtetit tjetër futet pa leje në territorin tond”, mirëpo, ka deklaruar Sveçla, “unë nuk besoj që Vuçiç është aq i krisur që të vijë në Kosovë pa leje”.

The post Ministri Sveçla i prerë: Nëse Vuçiç futet pa leje në Kosovë, do të arrestohet appeared first on Albeu.com.

Ata kanë kërcënuar hapur Sveçlën duke i shkruar publikisht në Facebook se “Unë personalisht do të  të dënoj (likuidoj), vetëm momenti pritet”.

Sipas burimeve të KosovaPress-it, ky profil përmes të cilit është kërcënuar ministri Sveçla është vërtetë i organizatës terroriste “Severna Brigada” (Brigada e Veriut).

Ndryshe, Sveçla sot ka thënë se Policia e Kosovës të martën ka zbuluar një sasi të madhe të armatimit në një shtëpi në Zveçan, duke përfshirë armë automatike, fishekë, granata dore dhe eksploziv.

Ai ka bërë të ditur në një postim në Facebook se kjo shtëpi është përdorur për grumbullim dhe shpërndarje të armatimit për grupet kriminale serbe.//KosovaPress/+

The post Kërcënohet ministri i Brendshëm në Kosovë, mesazhi që iu dërgua nga organizata serbe appeared first on Albeu.com.