Policia arrestuar Eduart Afamataj, i cili ditën e djeshme vrau 41-vjeçarin Artur Çangu. Mësohet se Afmataj është arrestuar në zonën e Qafë Shtamës, në një banesë të vjetër të braktisur.
Mësohet se shkaku i vrasjes është parkimi i gabuar i automjetit nga viktima, ndërsa bëhet me dije se mes tij dhe autorit ka pasur një konflikt të vazhdueshëm në lidhje me çështje pronësie.
Të lidhura
Raportohet se 41-vjeçari Çangu kishte shkuar në banesën e prindërve të tij dhe kishte parkuar makinën e tij pranë saj.
Autori, Afmataj, ka reaguar menjëherë dhe më pas ka dalë nga banesa e tij dhe ka debatuar me 41-vjeçarin, pasi ka pretenduar se automjeti i parkuar i kishte bllokuar rrugën.
Ky debat ka degjeneruar në një konflikt fizik, duke bërë që 33-vjeçari të marrë një armë gjahu tip “çifte” dhe të qëllojë ndaj 41-vjeçarit, duke e lënë të vdekur në vend. Viktima është gjetur nga policia e kthyer përmbys dhe me shenja plumbash.
Po ashtu, bëhet me dije se Eduart Afmataj rezulton të ketë lidhje familjare me viktimën, pasi është dhëndër te kushërinjtë e Çangut.
Pas vrasjes, 33-vjeçari ka njoftuar policinë dhe më pas është larguar nga vendngjarja, duke humbur gjurmët. Ndërsa sot është bërë i mundur arrestimi i tij.
