Policia ka dalë në njoftim zyrtar, në lidhje me vrasjen e ndodhur pak orë më parë në qytetin e Kavajës. Në njoftimin e bluve thuhet se autori i ngjarjes së rëndë është identifikuar dhe është shpallur në kërkim. Autori është Landi Derjaj (Puja), 48 vjeç, banues në Kavajë.
Konflikti i cili nisi për motive të dobëta, përfundoj në përdorimin e mjeteve prerëse. Si pasojë e kësaj ngjarje ka humbur jetën, Alket Isufi. Ai është goditur nga autori me thikë në afërsi të zemrës, goditje e cila ka rrezukuar fatale.
Shërbimet e Policisë po vijojnë ndjekjen për kapjen e autorit. Ndërkohë, grupi hetimor, nën drejtimin e Prokurorisë, po punon për sqarimin e rrethanave dhe dokumentimin ligjor të rastit.
Kavajë / Informacion shtesë.
Në lidhje me informacionin e dhënë për ngjarjen e ndodhur në lagjen nr. 3, Kavajë, ku dyshohet se për motive të dobëta një shtetas goditi me mjet prerës (thikë) një shtetas tjetër, i cili për pasojë ndërroi jetë në spital, sqarojmë se:
Pas verifikimeve të kryera rezultoi se autori i dyshuar është shtetasi L. D., alias L. P., 48 vjeç, banues në Kavajë. Ndërsa shtetasi që ka humbur jetën si pasojë e goditjes me thikë ka gjeneralitetet S. V., alias S. I., 48 vjeç.
Shërbimet e Policisë po vijojnë ndjekjen për kapjen e autorit. Ndërkohë, grupi hetimor, nën drejtimin e Prokurorisë, po punon për sqarimin e rrethanave dhe dokumentimin ligjor të rastit.
