Gjykata e Posaçme Kundër Korrupsionit dhe Krimit të Organizuar (GJKKO), ka vendosur masat e sigurisë për dy të arrestuarit në lidhje me vrasjen e Klevis Lleshit.
Pas seancës së zhvilluar të premten në orën 10:00, Sabah Nuzi, është lënë në arrest me burg, ndërsa Samet Loka është lënë në masën e arrestit në shtëpi.
Sabah Nuzi, i cili dyshohet nga Prokuroria si ekzekutori i Lleshit kundrejt një shume prej 50 mijë eurosh, ka mohuar akuzat gjatë seancës gjyqësore.
Ai nuk ka pranuar përfshirjen në atentatin ndaj 32-vjeçarit Klevis Lleshi, i cili u vra në vitin 2020.
