Pas vizitës historike të parë të një presidenti sirian në Shtëpinë e Bardhë, Ahmed al‑Sharaa, ish‑luftëtar në Siri dhe Irak, dha një intervistë ekskluzive për The Washington Post, në të cilën foli për rivendosjen e marrëdhënieve midis Damaskut dhe Uashingtonit, bisedimet me Izraelin, sanksionet amerikane, zhdukjen e gazetarit Austin Tice dhe rrugëtimin e tij nga rebelimi deri te kreu i shtetit.
Sharaa, i cili foli me ndihmën e një përkthyesi, theksoi se qëllimi i tij kryesor ishte të hapte një kapitull të ri në marrëdhëniet midis dy vendeve, të cilat, sipas tij, “që njëqind vjet janë në anë të kundërta të historisë”.
Të lidhura
None found
“Qëllimi më i rëndësishëm këtë herë ishte ndërtimi i marrëdhënieve midis Sirisë dhe Shteteve të Bashkuara, sepse gjatë 100 viteve të fundit ato nuk kanë qenë të mira. Kërkuam interesa të përbashkëta dhe i gjetëm, nga siguria te ekonomia. Stabiliteti i Sirisë ndikon në të gjithë rajonin, po ashtu edhe paqëndrueshmëria e saj”, tha Sharaa.
Duke folur për sanksionet amerikane, ai theksoi se zhvillimi ekonomik dhe stabiliteti lidhen drejtpërdrejt me heqjen e tyre. “Për këto çështje po bisedojmë prej muajsh dhe kemi arritur rezultate të mira, por presim vendimin përfundimtar”, tha ai.
Kur u pyet për fatin e gazetarit amerikan Austin Tice, i cili është zhdukur në Siri, Sharaa tha se “gjatë luftës që regjimi i mëparshëm zhvilloi kundër popullit të vetë u zhdukën qindra mijëra njerëz, përfshirë të huajt”.
