Një automjet tip “Land Rover” është përfshirë nga flakët në ecje mëngjesin e kësaj të diele në aksin Fier-Lushnje.
Ngjarja ka ndodhur në vendin e quajtur “Vajkan”.
Fatmirësisht shoferi dhe pasagjeri kanë mundur të dalin në kohë nga makina, e cila është shkrumbuar pothuajse totalisht.
Në vendngjarje kanë shkuar menjëherë shërbimet zjarrfikëse, të cilat kanë ndërhyrë për shuarjen e flakëve.
E pranishme është edhe policia me grupin hetimor për të zbardhur shkaqet e rënies së zjarrit.
Paraprakisht, shkak dyshohet të jetë bërë një defekt në motor.
