Vrasja e shqiptarit Visar Dakrama alias Julian Kosova jashtë një klubi vazhdon të trondisë Mykonosin.
Thanasis Nazo, 33 vjeç vrau me plumb në kokë 34-vjeçarin shqiptar pas një debati që patën në një lokal në ishull.
Mykonos Live TV publikoi një video që tregon një sherr të ndodhur disa ditë para vrasjes mes viktimës dhe autorit.
Sipas informacioneve thuhet se të dy personat kishin mosmarrëveshje financiare pasi biznesmeni grek i kishte një borxh shqiptarit. Bëhej fjalë për një shumë prej 3 mijë eurosh.
Sipas dërguesit anonim të videos, autori dhe viktima ishin përleshur vazhdimisht në të njëjtin lokal, pa marrë asnjë masë drejtuesit e dyqanit.
Nga detajet e publikuara nga mediat greke, u bë me dije se krimi që çoi në vdekjen e të riut kishte “mollë sherri” një vajzë të re.
E reja pohoi për policinë se shqiptari e shqetësonte herë pas here, i fliste keq dhe gjithnjë bëhej i egër.
Madje ai ditën e krimit i kishte hedhur asaj ujë, ndërsa ajo i ishte lutur që të ndalonte. Ndërkohë, pasi shqiptari ishte përleshur me grekun, ky i fundit kishte shkuar në banesë për të marrë armën dhe më pas qëlloi Kosovës, duke e lënë të vdekur në vend./Albeu.com/
