varianti indian Archives - Albeu.com

ISHP: Asnjë rast i konfirmuar me variantin indian

E B — Tue, 08 Jun 2021 16:46:40 +0000

Një ditë më parë në Maqedoninë e Veriut është konfirmuar rasti i parë i mutacionit indian, ndërsa sot në Kosovë u konfirmua variant afrikan.

Në Shqipëri, Instituti i Shëndetit Publik ka njoftuar se anjë rast nuk është konfirmuar ende dhe ka bërë thirrje që të mos ulet vigjilenca.

Virologia Iris Hasibra nga ISHP tregon se analizat laboratorike aktualisht nuk kanë konfirmuar praninë e asnjë prej këtyre mutacioneve.

“Përveç sekuencimit që identifikon në kohë reale, ka edhe metoda të tjera alternative. Në vendin tonë nuk ka ende asnjë rast të identifikuar me variantin indian. Kemi sinjale që nga ana epidemiologjike na referojnë në lidhje me udhëtimet që kanë kryer njerëz të caktuar. Por ne jemi ende duke monitoruar.”, tha ajo./albeu.com

The post ISHP: Asnjë rast i konfirmuar me variantin indian appeared first on Albeu.com.

Regjistrohet rasti i parë i variantit indian të koronavirusit në Maqedoninë e Veriut

E B — Mon, 07 Jun 2021 13:20:05 +0000

Ministria e Shëndetësisë së Maqedonisë së Veriut ka bërë me dije se është regjistruar rasti i parë i variantit indian të koronavirusit.

Ministri Venko Filipçe tha se, javën e kaluar tek një pacient i cili është hospitalizuar në spital privat, është konfirmuar varianti “indian”.

“Sipas anketës epidemiologjike të cilën e ka bërë spitali, pacienti është kthyer nga Iraku, ku më parë 10 ditë ka qenë i hospitalizuar, kur është kthyer në vendin, menjëherë me makinë të ndihmës së shpejtë është dërguar në spital. Gjendja e pacientit është stabile dhe nuk është shenjë për rrezik”, ka Filipçe. /albeu.com

The post Regjistrohet rasti i parë i variantit indian të koronavirusit në Maqedoninë e Veriut appeared first on Albeu.com.

Pas Gjermanisë, edhe Franca vendos karantinë për turistët britanikë

E B — Wed, 26 May 2021 17:20:18 +0000

Franca është bërë vendi i fundit europian që vendos kufizime për udhëtarët që vijnë nga Mbretëria e Bashkuar, për shkak të përhapjes së variantit indian të koronavirusit.

Të mërkurën, qeveria franceze njoftoi një karantinë të detyrueshme për këdo që mbërrin nga Britania, ndërsa kohëzgjatja nuk është bërë e ditur edne.

Kujtojmë se javën e kaluar edhe Gjermania vendosi një karantinë dy-javore për turistët britanikë, ndërsa Austria ka ndaluar fluturimet direkte në Mbretërinë e Bashkuar dhe turistët.

Deri në javën e kaluar, Mbretëria e Bashkuar ka regjistruar 3,424 raste të variantit B.1.617.2.

Ky numër ishte rritur me 2,111 raste nga java e kaluar./albeu.com

The post Pas Gjermanisë, edhe Franca vendos karantinë për turistët britanikë appeared first on Albeu.com.

OBSH: Varianti indian i koronavirusit, një shqetësim global

E B — Tue, 11 May 2021 06:52:16 +0000

Organizata Botërore e Shëndetësisë (OBSH) e ka klasifikuar variantin indian të koronavirusit një “shqetësim global”.

OBSH tha se studimet paraprake tregojnë se mutacioni B.1.617 përhapet më lehtë sesa variantet e tjera dhe kërkon studim të mëtejshëm.

Varianti tashmë është përhapur në më shumë se 30 vende të botës, thotë OBSH, informon albeu.com.

Tri variante të tjera nga Mbretëria e Bashkuar, Afrika e Jugut dhe Brazili u është dhënë i njëjti emërim.

Varianti po studiohet për të vërtetuar nëse është përgjegjës për një rritje vdekjeprurëse në Indi.

India raportoi 366,161 infeksione të reja dhe 3,754 vdekje të hënën. Ekspertët thonë se shifrat aktuale mund të jenë shumë më të larta sesa raportohen./albeu.com

The post OBSH: Varianti indian i koronavirusit, një shqetësim global appeared first on Albeu.com.