Sipas raportimeve të Euronews, muaji gusht pritet të jetë ndër më të nxehtit në 15–20 vitet e fundit.

Temperaturat minimale po variojnë nga 16 deri në 24°C, ndërsa ato maksimale sillen nga 28 deri në 41°C, duke e kthyer klimën në një sfidë serioze për popullsinë dhe shërbimet shëndetësore.

Rajonet veriore si Viana do Castelo, Braga, Porto, Vila Real dhe Bragança ndodhen nën alarm të kuq, niveli më i lartë i paralajmërimit meteorologjik, për shkak të valës së zgjatur të temperaturave ekstreme.

Instituti Portugez i Meteorologjisë (IPMA), thekson se përjashtim bën vetëm bregdeti, ku ndikimi i valës është më i moderuar.

Ekspertët paralajmërojnë se ky gusht mund të jetë rekord jo vetëm për temperaturat maksimale, por edhe për ato minimale, duke bërë që netët të jenë po aq përvëluese sa ditët.

Autoritetet u bëjnë thirrje qytetarëve të shmangin ekspozimin në diell në orët e pikut, të konsumojnë shumë lëngje dhe të ndjekin me kujdes udhëzimet zyrtare për mbrojtje nga nxehtësia.

The post Portugalia goditet nga vala e të nxehtit, muaji gusht shënon temperatura deri në 41°C appeared first on Albeu.com.

Mediat e huaja raportojnë se rreth 52 trupa u sollën në spitale në dy ditët e fundit, raportoi të enjten Times of India, duke shtuar se shumica e tyre ishin njerëz të varfër që jetonin dhe punonin në mjedise të hapura.

Një total prej 192 personash të pastrehë vdiqën në Nju Delhi midis 11 qershorit dhe 19 qershorit, sipas shifrave qeveritare të ndara nga organizata jofitimprurëse Qendra për Zhvillimin Holistik, më të larta se në vitet e mëparshme.

“Më të varfërit përballojnë koston e një ndryshimi të tillë klimatik. Shumica e këtyre njerëzve jetojnë nën mbikalime dhe jashtë dhe nuk kanë mbrojtje kundër të nxehtit. Këto janë kryesisht vdekje nga valët e të nxehtit,” tha Sunil Kumar Aledia, i cili drejton CHD.

India ka regjistruar më shumë se 40,000 raste të dyshuara të goditjes së nxehtësisë këtë verë dhe të paktën 110 vdekje të konfirmuara midis 1 marsit dhe 18 qershorit, kur India veriperëndimore dhe lindore regjistroi më shumë se dyfishin e numrit të zakonshëm të ditëve të valëve të të nxehtit.

Zyra e motit ka parashikuar temperatura mbi normale edhe për këtë muaj, dhe Delhi pa natën e tij më të ngrohtë në mbi 50 vjet të mërkurën, me një temperaturë minimale prej 35.2 gradë Celsius (95 gradë Fahrenheit), treguan të dhënat nga departamenti i motit.

The post Vala e të nxehtit edhe në Indi, humbin jetën dhjetëra të pastrehë appeared first on Albeu.com.

BBC shkruan se në Rio de Janeiro temperaturat kanë arritur në 52.5 gradë C.

Më shumë se njëqind milionë njerëz janë prekur nga i nxehti, i cili pritet të zgjasë të paktën deri të premten.

Zyrtarët ia atribuojnë atë fenomenit El Niño dhe ndryshimeve klimatike.

Në qytetin e San Paulos temperatrurat arritën në 37.3 gradë C, njoftoi Instituti Kombëtar i Meteorologjisë (Inmet).

“Jam i lodhur, është e vështirë,” tha Riquelme da Silva, 22 vjeç, për agjencinë e lajmeve AFP.

“Kur kthehem në shtëpi më duhet patjetër të bësh dush me ujë të ftohtë, përndryshe nuk mund të ngrihem dot se jam shumë i lodhur, madje është e vështirë të fle”.

Dora, një shitës ambulante 60-vjeçare, e përshkroi vapën si “të padurueshme” për ata që punonin jashtë.

Hulumtimi i Inmet i publikuar javën e kaluar tregoi se temperatura mesatare në vend kishte qenë mbi mesataren historike nga korriku deri në tetor.

Moti ekstrem po bëhet më i shpeshtë dhe më intensiv në shumë vende të botës për shkak të ndryshimeve klimatike.

Sipas shkencëtarëve, valët e të nxehtit po bëhen më të gjata dhe më intensive në shumë vende dhe kjo pritet të vazhdojë ndërkohë që njerëzit vazhdojnë të lëshojnë gazra serë që ngrohin planetin.

Ndërkohë, Toka është aktualisht në një fazë moti El Niño, kohë gjatë së cilës temperaturat globale zakonisht rriten./Albeu.com

The post Brazili përfshihet nga vala e të nxehtit, temperaturat arrijnë 52 gradë C appeared first on Albeu.com.

Porja thotë se temperaturat maksimale pritet që të shënohen sot dhe nesër, që do të kapin vlerën e 43 gradëve.

Dita e diel do të sjellë një rënie të lehtë në mëngjes me 2 gradë Celsisus, megjithatë temperaturat do të vijojnë të jenë shumë të larta.

“Kjo valë që në Shqipëri ka filluar që në datën 9 dhe 10 Korrik, do të vijojë të mbetet prezente. Parashikohet që sot edhe nesër të jenë ditë shumë të nxehta, ku një pjesë e mirë e territorit do të shënojë vlera 40 dhe mbi 40 gradë Celsisus. Sot ka pasur një rënie të lehtë në veri, por mbetet intensive vala në zonat jugore duke bërë që Gjirokastra dhe Elbasani të shënojnë edhe temperaturat më të larta, mbi 42 gradë. Parashikohet që Tirana të jetë rreth vlerës 40 gradë, ndërkohë që bregdeti do të jetë rreth vlerës nga 37 deri në 38 gradë Celsius. Përsa i përket zonave malore, temperaturat më të larta i mban Kukësi, ku pritet që të jetë rreth vlerës 39-40 gradë.

Edhe nesër mbetemi nën intensitetin e kësaj vale të të nxehtit. Dita e shtunë nuk është se ka ndonjë ndryshim nga dita e sotme. Pritet që nesër të kapet një maksimum afërsisht 43 gradë, por jo më shumë. E diela parashikohet të sjellë një rënie me 2 gradë në mëngjes. Ka edhe një rënie me 1 apo 2 gradë në mesditë dhe sërish java tjetër do të jetë nën ndikimin e valës së të nxehtit. Kjo valë do të qëndrojë deri në mesi i javës tjetër. Pritet që temperaturat në ekstremet e tyre të shënohen sot dhe nesër, ndërsa javë tjetër do të jetë rreth vlerës 40 apo mbi 40 gradë, megjithatë mbeten shumë të larta temperaturat”, tha Porja.

The post Vala e të nxehtit nuk ka fund, meteorologia zbulon kur do të bien temperaturat appeared first on Albeu.com.

Në Romë, Padova dhe Firence temperaturat pritet të arrijnë deri ne në 38 gradë celcius.

Ndërsa në ishullin e Sardenjës parashikohet që temperatura maksimale të shkojë deri në 43 gradë celcius.

Vala e parë e të nxehtit do të zgjasë rreth dy ditë. Por nga mbrëmja e së enjtes parashikohet të ketë reshje shiu, duke nisur nga Italia Veriore, me ulje të temperaturës rreth 30 gradë Celsius.

Edhe vendi ynë do të pwrfshihet nga temperature të larta gjatw kësaj jave. Për këtë javë vlen për tu theksuar rritja e ndjeshme e temperaturave si në vlerat minimale por kryesisht ato të mesditës me vlera deri në 36-37 grad celcius. Gjithashtu, duhet të përmendim se duke nisur nga dita e Mërkurë por kryesisht ditët e Enjte dhe e Premte, ndjesia reale e temperaturave të mesditës do të jetë disa grad më e lartë sesa ajo e matur në kafazin meteorologjik për shkak të lagështirës relativisht të lartë në ajër./albeu.com/ 

The post Po i afrohet Shqipërisë, vala e të nxehtit pushton Italinë appeared first on Albeu.com.

Shpesh teksa jemi duke pirë kafe dhe marrin telefonin për t’i bërë scroll, ai është ose i ngadaltë, ose shumë i nxehtë ose i ka mbaruar bateria.

Pra, këto pajisje luftojnë gjithashtu me nxehtësinë, por çfarë nund të bëjmë për këtë?

• Mos e fusni në karikim.
• Pozicionoje me zgjuarsi, vendoseni në hije, para një ventilatori nëse je në makinë.
• Fikni të gjitha funksionet që nuk ju nevojiten dhe mbajeni dritën ulur.
• Fikeni, lëreni të ftohet dhe rindizeni.
• Mos e futni ne frigorifer, apo ta ngjisni me një qese akulli, mund të bllokohet./albeu.com

The post Temperaturat e larta prekin edhe telefonin, ja çfarë i shkakton dhe si t’i parandalojmë appeared first on Albeu.com.

Në përputhje me rekomandimet e Organizatës Botërore Meteorologjike, popullata këshillohet të marrë masa paraprake në kushte të tilla moti. Është gjithashtu e mundur të ndërhyhet në rutinat e përditshme, prandaj aktivitetet në natyrë duhet të ndërpriten.

Instituti Federal Hidrometeorologjik ka njoftuar se një paralajmërim i kuq është në fuqi në Bosnje dhe Hercegovinë për 23 korrik, për shkak të paralajmërimit të temperaturave të larta.

Temperaturat ditore, sipas meteorologëve, do të jetë nga 34 deri në 41 gradë Celsius.

“Mot me diell në Bosnje dhe Hercegovinë. Pasdite rritje graduale e vranësisë. Temperatura më e lartë ditore nga 35 deri në 41 gradë, në jug deri në 42 gradë”, thuhet në parashikimin e Institutit Federal Hidrometeorologjik.

Edhe Instituti Republikan Hidrometeorologjik i Serbisë ka shpallur alarm të kuq për motin për 23 korrik në të gjithë vendin për shkak të temperaturave të larta.

Në Serbi temperaturat sot do të jenë nga 37 deri në 41 gradë.

Më 24 korrik, siç thuhet, temperatura duhet të bjerë me rreth pesë gradë dhe vende-vende priten reshje të dobëta shiu.

Temperatura jashtëzakonisht të larta priten në gjithë Kroacinë këtë fundjavës, për këtë arsye është shpallur alarmi i kuq i motit pothuajse në të gjitha rajonet, që tregon se moti paraqet një rrezik shumë të lartë.

“Priten temperatura jashtëzakonisht të larta. Mbroni veten, fëmijët dhe të moshuarit. Veproni sipas këshillave të dhëna nga autoritetet kompetente”, paralajmëroi Instituti Hidrometeorologjik Shtetëror i Kroacisë.

Alarmi i kuq i motit për datën 23 korrik është lëshuar në të gjitha rajonet, përveç Osijekut dhe Gospiqit, për të cilat është në fuqi një paralajmërim portokalli. Një paralajmërim i kuq është në fuqi për 24 korrik për rajonet e Kninit, Rijekës, Splitit dhe Dubrovnikut./rel

The post Alarm i kuq moti në Bosnje dhe Hercegovinë, Serbi dhe Kroaci appeared first on Albeu.com.

Konkretisht, ekspertët, pas studimit të shkallës së vdekshmërisë gjatë valëve të të nxehtit, dhe konkretisht nga një valë e nxehtë që goditi Francën në vitin 2003, zbuluan se “ata janë 15% më të larta për gratë”. Sidomos kur flasim për gra të moshuara.

Një tjetër studim, sipas Guardian, nga studiues holandezë dhe gjermanë, në të dhënat që mbulojnë 23 vjet, konfirmoi se gratë janë në rrezik më të lartë të vdekjes, veçanërisht ato mbi 80 vjeç.

Por pse?

Profesor Hein Daanen, i Universitetit të Lirë (VU) në Amsterdam, ia atribuon këtë faktit se gratë djersitin më pak, dhe dihet se djersitja është një mekanizëm për të mbrojtur trupin nga temperaturat e larta

“Përqindja e djersës së prodhuar nga të moshuarit, janë sa gjysma e të rinjve. Dhe përqindja e djersës që prodhojnë femrat është gjysma e asaj të meshkujve”, komenton eksperti. Prandaj, sipas këtyre të dhënave, gratë e moshuara kanë mekanizmin më të dobët të mbrojtjes nga nxehtësia.

Një tjetër faktor që në rastin e nxehtësisë i bën femrat realisht “gjininë më të dobët” duket se është fakti që sistemi kardio- frymëmarrjes stresohet më shumë nga temperaturat e larta në trupin e femrës sesa të mashkullit.

As femrat e reja nuk janë imune, pasi djersitin më pak se bashkëmoshatarët e tyre meshkuj. Rreziku i pasojave të rënda për shëndetin e tyre rritet, në fakt, pas ovulacionit, kur temperatura e trupit të tyre rritet lehtë./albeu.com

The post Ekspertët zbulojnë arsyet pse gratë janë më të rrezikuara nga i nxehti appeared first on Albeu.com.

Më poshtë mund të mësoni se cilat janë rreziqet shëndetësore nga i nxehti dhe si të mbroheni:

I nxehti ndikon në shëndet në shumë mënyra.

Lodhja nga i nxehti, që përfshin marramendje, kokëdhimbje, dridhje të trupit dhe etje, mund të prekë këdo dhe zakonisht nuk është e rrezikshme nëse një person arrin të ulë temperaturën e trupit brenda 30 minutash.

Versioni më serioz është goditja nga i nxehti apo kur temperatura e brendshme e trupit shkon mbi 40.6 gradë celsius. Kjo është emergjencë shëndetësore që mund të shkaktojë dëme afatgjata të organeve apo edhe vdekje.

Simptomat përfshijnë frymëmarrje të përshpejtuar, konfuzion ose konvulsione dhe të përziera.

Disa njerëz janë më të ndjeshëm nga i nxehti ekstrem, përfshirë foshnjat dhe personat më të moshuar. Po ashtu, të rrezikuar janë edhe ata që duhet të qëndrojnë aktivë, sikurse janë të pastrehët.

Problemet ekzistuese, përfshirë sëmundjet e frymëmarrjes dhe ato kardiovaskulare, por edhe diabeti, po ashtu rrisin rrezikun dhe i nxehti mund të përkeqësojë shëndetin e personave që kanë probleme ekzistuese.

“Kur shihni ditë të nxehta sikurse ditët e fundit, ka të ngjarë të ketë rritje të vdekshmërisë në grupet e njerëzve që kanë këto sëmundje”, tha Shakoor Hajat, epidemiolog i ambientit në Shkollën e Londrës për Higjienë dhe Mjekësi Tropikale.

Globalisht, nën gjysmë milioni vdekje në vit vlerësohet se shkaktohen nga i nxehti, është thënë në një studim të publikuar vitin e kaluar nga revista The Lancet, edhe pse studimi nuk ka pasur të dhëna për shumë shtete me të ardhura të ulëta.

Sipas të dhënave, më shumë njerëz vdesin nga i ftohti, por kjo pritet të ndryshojë, kanë paralajmëruar hulumtuesit.

Ndotja e ajrit, po ashtu, rritet gjatë valëve të të nxehtit, paralajmëroi javën e kaluar Shoqata Botërore e Meteorologjisë, duke thënë se shkaktohen edhe efekte të dëmshme shëndetësore.

I nxehti gjithashtu mund të çojë në lindjen e foshnjave me peshë të ulët, në lindje të parakohshme, thuhet në një sërë studimesh.

Por, po ashtu ka edhe rreziqe që janë më pak evidente. Lawrence Wainwright, ligjërues në Universitetin e Oksfordit, tha se nivelet e vetëvrasjeve dhe problemeve të shëndetit mendor shpesh rriten gjatë valëve të të nxehtit.

Shkencëtarët argumentojnë se ende nuk ka të dhëna për ndonjë ndikim të të nxehtit te pacientët me sëmundjen COVID-19, që e shkakton koronavirusi i ri.

Ekspertët thanë se vdekjet nga i nxehti ndodhin më shumë në fillim të verës, kur trupat e njerëzve ende nuk janë mësuar me ndryshimin e temperaturave.

Vendndodhja po ashtu ka rëndësi. Njerëzit që jetojnë në vende ku rëndom nuk ka temperatura të larta janë më të rrezikuar. Ndër ta janë edhe qytetarët e disa pjesëve të Evropës.

Megjithatë, ka kufizime dhe njerëzit në mbarë botën janë në rrezik nga moti i nxehtë që po shkaktohet nga ndryshimet klimatike. Veçanërisht janë të rrezikuar njerëzit që në ditë të nxehta bëjnë punë fizike.

“Në të gjitha shtetet në botë, për të cilat kemi të dhëna, ka një rritje të rrezikut të vdekshmërisë për njerëzit që u ekspozohen temperaturave të larta”, tha Eunice Lo, shkencëtar i klimës në Universitetin Bristol në Anglinë perëndimore.

Një numër i agjencive evropiane të shëndetit publik kanë dhënë këshilla se si njerëzit të ulin temperaturën e trupit, duke këshilluar që njerëzit të mos e sforcojnë veten dhe të qëndrojnë të hidratuar.

Goditja nga i nxehti është emergjencë shëndetësore dhe kërkon trajtim të menjëhershëm mjekësor.

Agjencitë e shëndetit publik, po ashtu, i kanë këshilluar që qytetarët, që u përkasin kategorive më të ndjeshme, që të shtojnë kujdesin.

Që nga 12 korriku, pjesë të Evropës po përballen me temperatura të larta, që kanë shkaktuar zjarre në Francë, Portugali, Spanjë, Greqi, Kroaci dhe gjetkë. Si pasojë e të nxehtit, mbi 1.000 persona kanë vdekur në Spanjë dhe Portugali javën e kaluar.

Portugalia ka shënuar më 14 korrik temperaturë rekord prej 47 gradësh celsius.

Më 2003, gjatë valës së të nxehtit që përfshiu Evropën, mbi 20.000 persona besohet se vdiqën si pasojë e temperaturave të larta dhe shumica e viktimave ishin në moshë të shtyrë./REL

The post Vala e të nxehtit, rreziqet shëndetësore që vijnë nga temperaturat ekstreme appeared first on Albeu.com.

Instituti i Shëndetit Publik sërish u ka bërë thirrje qytetarëve të tregojnë kujdes dhe ka listuar disa këshilla që duhet t’i ndjekim.

-Nëse nuk ndiheni mirë gjatë një vale të nxehti kërkoni ndihmë, po ashtu kërkoni ndihmë edhe nëse ndiheni të dobët, anksiozë ose keni shumë etje apo dhimbje kokë.

-Shkoni menjëherë në një ambient të freskët.

-Pini ujë për t’u hidratuar.

-Mbani ilaçet nën temperaturën 25 gradë celsius ose në frigorifer./albeu.com

The post Temperaturat e larta në vend, ISHP këshillon qytetarët appeared first on Albeu.com.