Ministria ka vijuar thirrjet për vaksinim të popullatës, në mënyrë që sipas tyre të ruhen nga virusi.

Këtë të hënë ministria e ka nisur me një postim në lidhje me vaksinimin e grave shtatzëna ku thekson se një gjë e tillë nuk është e dëmshme për to.

Ministria thekson se vaksinimi anti Covid është i sigurtë si për foshnjat dhe për nënat.

“Vaksinat janë të sigurta për gratë shtatzëna dhe foshnjat e tyre”, shkruan ministria./albeu.com/

The post A janë të sigurta vaksinat anti-Covid për gratë shtatzëna dhe foshnjat e tyre? Përgjigjet Ministria e Shëndetësisë appeared first on Albeu.com.

REALITETI MBI VAKSINAT!

Në stautset e herëpasherëshme që vendos në faqen time shikoj komentet tuaja të përditëshme, gjë e cila më bën të bëj një përmbledhje, ose disa sqarime për të kuptuar më mirë situatën në të cilën ndodhemi.

Nuk jam dakort me asnjë Novax (persona që janë kundër vaksinës), ose konspiracionist(ata që nuk besojnë në ekzistencën e virusit), sepse besoj në shkencë, sepse rezultatet janë të prekshme.

Shkenca e ka vërtetuar këtë para 225 vjetësh!

“VAKSINA E LISË, VAKSINA E PARË EFEKTIVE E ZHVILLUAR NDONJËHERË, U PREZANTUA NGA EDËARD JENNER MË 1796. JENNER KISHTE VËNË RE SE MJELSIT E BAGËTIVE QË ISHIN  INFEKTUAR NGA LIJA, PAS VAKSINËS NUK ZHVILLUAN MË SËMUNDJEN. KJO GJË TREGOI SE SI VAKSINIMI MBRON KUNDËR SËMUNDJES SË LISË”.

KËTU FILLON ERA E VAKSINIMIT TË NJERËZIMIT.

NËSE VAKSINAT DO TË ISHIN TË DËMSHME NË KËTË MOMENT NJERËZIMI NUK DO TË EKZISTONTE !!!!

Për ata që janë të paqartësuar!

1. Njerzit mendojnë se po u vaksinove nuk infektohesh!

Nuk është e vërtetë, mund të infektohesh, por vaksina të mbron nga format e rënda të sëmundjes dhe nga humja e jetës në mbi 95% të rasteve. Pra në atë 5% bëjnë pjesë ata persona që humbasin jetën!

2. Nëse kalon sëmundjen e Covid-19 nuk infektohesh përsëri! Nuk është e vërtetë, infektohesh përsëri, por je më i mbrojtur më shumë se sa kur je vetëm i vaksinuar.
3. Pasi ke kaluar Covidin dhe mbas 6 muajsh, ose më shumë po të vaksinohesh, do të thotë se je 10 herë më i mbrojtur, se sa të mos vaksinohesh. Sidoqoftë nëse e ke kaluar sëmundjen ke imunitet dhe je i mbrojtur. Për sa kohë? Studimet kanë treguar se mbrojtja e matëshme me antitrupa është 8-12 muaj, ndërsa mbrojtja humorale, ose qelizore që nuk ka mënyrë matëse me analiza gjaku, mund të zgjasi disa vite.
4. Përsa i përket llojit të vaksinave të kryera në Shqipëri, sipas disa interpretimeve, se ata me Coronavac janë më shumë, ose mbron më pak ajo, nuk është e vërtetë! Të vaksinuarit me Coronavac janë më shumë në numër, në raport me llojet e vaksinave të tjera, sigurisht që numri i të infektuarve me këtë vaksinë është më i lartë! Prandaj kujdes kush jep këto informacione sepse ato duhet të interpretohen nga specialistët dhe të kihen parasysh këto të dhëna. Fakti që ka të infektur në persona që kanë bërë edhe vaksina të tjera, tregon që ne mund të infektohemi , ose të reinfektohemi nga SarsCov2.
5. Në Europë, Amerikë, Angli, Israele dhe vende të tjera, janë soministruar vetëm Pfizer, Moderna, Astra-Zeneca, Jonson &Jonson, nuk janë soministruar vaksina Coronavac, por siç e kemi parë ka numër të lartë infektimesh! Nuk duhet të ngatërrojmë vaksinimin që na mbron nga format e rënda të sëmundjes dhe humbja e jetës, me llojin e vaksinës dhe me reinfektimet.

Prandaj ju që keni vaksinuar të afërmit tuaj mos u shqetësoni për llojin e vaksinës, por për sëmundjet bashkëshoqëruese dhe duhet të kontaktoni mmenjëher mjekun sapo mendoni se mund të jenë infektuar ose reinfektuar. Në këtë moment, çdo formë temperature, rrufe, diarreje(barku), ose të vjella, mendoni së pari infektimin nga SarsCov2, sepse janë simptoma tipike të variantit Delta!

6. Humbja e jetës nuk është e lidhur vetëm me Covidin!
7. Personat me sëmundje shoqëruese, personat me sëmundje në stade të avancuara, mund të humbasin jetën edhe nga infeksioni i çfardolloj virusi, gripi, adenoviruset ose SarsCov2!
8. Vaksinat nuk garantojnë imortalitetin(pavdekshmërinë)!!
9. Shkenca mjeksore ka misteret e sajë për shumë sëmundje, sëmundje që nuk kanë një shërim komplet siç janë disa lloje tumoresh në përgjithësi dhe sëmundje të tjera!
10. Kemi humbje të jetës për sëmundje të ndryshme dhe shkaqe të ndryshme me një vdekshmëri më të lartë se sa Covid-19!/albeu.com

The post Brataj: Mund të infektohesh me COVID-19 edhe po ishe vaksinuar appeared first on Albeu.com.

Serbia kishte realizuar një fushatë të shpejt vaksinimi mirëpo intenziteti i saj ra pasi 40 për qind e popullsisë.

Serbia ka njoftuar se do të ofrojë një dozë përforcuese të vaksinës COVID-19 për popullsinë e saj, pasi vendi po përballet me një rritje të numrit të të infektuarve.

Rastet e reja janë shënuar kryesisht te personat e pavaksinuar.

Serbia kishte realizuar një fushatë të shpejt vaksinimi, mirëpo intenziteti i saj ra pasi 40 për qind e popullsisë u vaksinua.

“Shumica dërrmuese e pacientëve të shtruar në spital janë qytetarë të pavaksinuar”, tha qeveria në një deklaratë të hënën (16 gusht).

Dozat përforcuese të vaksinës do të rekomandohen për grupet më të ndjeshme të popullsisë, përfshirë qytetarët me imunitet të dobët dhe të moshuarit, pastaj punonjësit shëndetësor dhe personat që udhëtojnë shpesh.

Një punëtore shëndetësore duke u bërë gati të admnistrojë një dozë të vaksinës kundër koronavirusit. Prishtinë, 29 mars 2021.

Qeveria tha se kushdo që ka marrë një vaksinë të dytë më shumë se gjashtë muaj më parë do të ketë të drejtë të marrë një dozë të tretë.

Pavarësisht se me cilën vaksinë janë imunizuar fillimisht, qytetarët kanë të drejtë të zgjedhin cilëndo vaksinë për dozën përforcuese.

Falë marrëveshjeve të hershme me një sërë kompanish farmaceutike, Serbia u furnizua me miliona doza vaksinash nga Rusia, Kina dhe kompanitë perëndimore, megjithëse shumica e vaksinave janë Sinopharm të Kinës.

Që nga fillimi i pandemisë Serbia ka regjistruar më shumë se 7.100 vdekje dhe mbi 732.000 raste të koronavirusit./REL

The post Numri i lartë i infektimeve, Serbia do të ofrojë dozë shtesë të vaksinës kundër COVID-19 appeared first on Albeu.com.

Duke qenë se muaji Gusht është edhe muaji i hapur, Manastirliu ka bërë apel që vaksinimi të vazhdojë intensivisht.

Ajo ka inspektuar sot qendrën verore në Drimadhes, në Dhërmi, një nga 29 qendrat shëndetësore verore të hapura për pushuesit përgjatë zonave turistike.

“Janë më shumë se 29 mijë qytetarë, të cilët kanë marrë shërbime në qendrat shëndetësore verore, 8 mijë prej tyre janë turistë të huaj që kanë ardhur dhe kanë aksesuar shërbimin shëndetësor në territor gjatë periudhës së sezonit turistik, që nga momenti që i kemi hapur këto qendra në 15 qershor e deri më tani”, tha Manastirliu.

Përveç qendrave shëndetësore verore janë edhe 14 postacione të Urgjencës Kombëtare, të cilat janë në gatishmëri për çdo emergjencë. Ministrja e Shëndetësisë u shpreh se qendrat shëndetësore verore kanë ulur fluksin në spitale, duke ofruar shërbime të urgjencës për turistët.

“Ajo çfarë na tregon programi i hapjes se qendrave verore shëndetësore është se ka reduktuar fluksin në spitale. Nga 29 mijë qytetarë që kanë marrë shërbime, me pak se 3% e tyre janë referuar në spitale, që do të thotë se qytetarët kanë marrë shërbimin e kërkuar në këto qendra”, tha Manastirliu.

Nga qendra shëndetësore në Dhërmi, Ministrja e Shëndetësisë bëri me dije se më shumë se 60% e popullatës së rrezikuar mbi 50 vjeç tashmë është vaksinuar, teksa u ka bërë thirrje të gjithë qytetarëve mbi 18 vjeç të vaksinohen sa më parë gjatë këtij muaji të hapur.

“Në Shqipëri kemi 1.8 million doza të mbërritura të vaksinave të ndryshme të cilat janë efektive, ndaj dua të ftoj qytetarët të shfyrtëzojnë muajin gusht, ku tashmë vaksinimi +18 vjeç po vijon dhe vetëm në 13 ditët e para janë më shumë se 100.000 vaksinime të kryera”, deklaroi Manastirliu.

Rreth 130 mjekë dhe infermierë në qendrat shëndetësore verore ofrojnë shërbim 24/7 për emergjencat në 29 pika turistike nga veriu në jug. Shërbimi është i përforcuar edhe me autoambulancat e vendosura në postacione fikse përgjatë vijës bregdetare, për një përgjigje sa më të shpejtë për emergjencat mjekësore.

The post Mbi 100 mijë vaksina të kryera në ditët e para të gushtit, Manastirliu: Vaksinohuni, ne po u’a ofrojmë mundësinë appeared first on Albeu.com.

Bëhet fjalë për Panata Prtoviç, i cili para 20 vitesh, vendosi të distancohej nga jeta sociale dhe të jetonte në një shpellë, thellë në malet serbe. Vitin e kaluar, në një vizitë në një qytet, ai mësoi mbi pandeminë e COVID-19.

Kështu, burri zgjodhi të vaksinohet, duke ecur me mendimin që virusi nuk zgjedh, madje, ai tanimë i bën thirrje qytetarëve të vaksinohen.

“Ai (virusi) nuk zgjedh. Do të vijë edhe këtu, në shpellën time”, thotë plaku 70-vjeçar për agjencinë AFP në shpellën që ndodhet në malin Stara Planina, në jug të Serbisë.

I moshuari sipas raportimeve jeton me kërpudha dhe peshq që i zë në një përrua aty afër shpellës. Por ndonjëherë zbret në qytet për të kërkuar ushqim të ngrohtë./albeu.com/

The post “Vendosa të vaksinohem, virusi nuk zgjedh”! Jeton prej 20 vitesh në shpellë, shkon të vaksionohet appeared first on Albeu.com.

Filipçe tha se ende nuk ka informacione për vaksinat ruse Sputnik V, ndërsa për vaksinat Pfizer tha se vendi do të vazhdojë të pranojë çdo të hënë mijëra doza nga kjo vaksinë.

“Çdo të hënë vijnë vaksinat Pfizer, këto janë sasi që vijnë nga marrëveshja jonë bilaterale si dhe nga sistemi për solidarizim nga vendet e BE-së.

Ende nuk kemi datë të saktë për 100 mijë dozat e Pfizer që duhet të vijnë nga sistemi COVAX gjatë qershorit.

Nuk kemi informacione për vaksinat ruse, ndërsa gjatë ditës së djeshme nga ana e Ambasadës Popullore të Kinës jemi informuar se brenda shtatë ditëve mund ti presim 500 mijë dozat e vaksinës Sinovac”, tha mes tjerash Filipçe.

The post Vaksinimi vijon normalisht, Filipçe: Brenda shtatë ditëve arrijnë 500 mijë vaksinat kineze appeared first on Albeu.com.

Sipas informacioneve nga Agjencia e barnave dhe pajisjeve mjekësore në vend në periudhën prej 17.02 deri 21.05.2021, “ata morën rreth 100 raporte të efekteve anësore të dyshuara nga vaksinat kundër COVID-19, pas imunizimit të zhvilluar tek 206 013 persona”.

Nga MALMED nuk u përgjigjën se për cilat vaksina, përkatësisht sa raporte për secilën vaksinë kundër COVID-19 ka veç e veç. Në Maqedoni, tani për tani nuk ka mundësi për të zgjedhur një vaksinë, por qytetarët marrin vaksinën që është në dispozicion për momentin.
Deri më tani, vaksinat Pfizer, AstraZeneka, Sputnik dhe Sinofarm janë përdorur për të mbrojtur kundër virusit SARS-CoV-2, ndërsa nga muaji qershor njoftohet për një tjetër vaksinë kineze.

“Efektet anësore më të shpeshta të raportuara me simptomatologji të lehtë, të tilla si dhimbje dhe ënjtje në vendin e vaksinës, temperatura e lartë trupore, dhimbje koke, dhimbje muskulore dhe dobësi.

Të gjitha efektet anësore të raportuara përshkruhen në udhëzimet për përdorimin e vaksinave,” tha Dr. Iskra Sadikario, nga Agjencioni për barna dhe pajisje mjekësore.

“Agjencia për barna dhe pajisje mjekësore ka nënshkruar marrëveshje bashkëpunimi me Uppsala Monitoring Centre (UMC) – një bazë të dhënash elektronike globale të efekteve anësore të barnave të Organizatës Botërore të Shëndetësisë me bazë në Suedi. Të gjitha aplikacionet e paraqitura në MALMED përpunohen dhe përcillen në UMC dhe bëhen pjesë e dokumentacionit për sigurinë e ilaçit”, shtoi Dr. Sadikario.

Sipas përshkrimit të efekteve anësore të raportuara, ekspertët i numërojnë ato si efekte anësore të pritura dhe të shpeshta, të ngjashme me efektet anësore të vaksinave të tjera dhe që ato konsiderohen të jenë me intensitet të butë deri të moderuar, të cilat kalojnë spontanisht brenda disa ditësh ose me terapi simptomatike (kompresa të ftohta, ilaçe për të ulur temperaturën dhe ilaçe kundër dhimbjeve.

Deri më tani, MALMED nuk ka marrë asnjë raport të ndonjë efekti anësor të dyshuar për rezultat fatal për të cilin është krijuar lidhshmëri shkak-pasojë me vaksinimin. Çdo qytetar, përmes mjekut amë, specialistit ose personalisht mund të raportojë ndonjë reagim negativ ndaj vaksinës kundër COVID-19.

Çdo raport “bëhet pjesë e dokumentacionit për sigurinë e ilaçit, mbi bazën e të cilit lëshohen rekomandime për përdorimin e tij të sigurt në drejtim të dozimit të duhur, kundërindikacioneve, paralajmërimeve speciale, ndërveprimeve me ilaçe të tjera dhe masave për të minimizuar shfaqjen e reaksioneve të padëshiruara”.

Ekziston një aplikacion në internet për raportimin e efekteve anësore ndaj pacientëve në faqen e internetit të MALMED, i cili mund të plotësohet nga çdo qytetar. “MALMED do të përpunojë kërkesën tuaj dhe do ta futë atë në Bazën e të dhënave kombëtare të efekteve anësore nga ilaçet dhe çështja do të bëhet pjesë e dokumentacionit të sigurisë së barnave.
Raportimi juaj i efekteve anësore / reaksioneve anësore që dyshoni se janë shkaktuar nga përdorimi i barit mund të ndihmojë në uljen e frekuencës së shfaqjes së tij ose të shmanget. Ju mund të raportoni një efekt anësor që keni përjetuar personalisht, fëmija juaj ose personin për të cilin jeni kujdesur”, shkruhet në faqen e Agjencionit.

The post Sa efekte anësore janë raportuar në Maqedoni nga vaksinat kundër covid? appeared first on Albeu.com.

Këto qeliza imune njohin antigjenin, një pjesë të vogël të një virusi ose bakteresh të prezantuara nga vaksina që stimulon një përgjigje imune.

Në rastin e vaksinës COVID-19, qelizat imune në indet muskulore i marrin këto antigjene dhe i paraqesin në nyjat limfatike. Injeksioni i vaksinës në indet muskulore e mban vaksinën të lokalizuar, duke lejuar që qelizat imune të japin alarmin në qelizat e tjera imune dhe të hyjnë në punë.

Sapo një vaksinë të njihet nga qelizat imune në muskul, këto qeliza mbajnë antigjenin në enët limfatike, të cilat transportojnë qelizat imune që mbajnë antigjen në nyjat limfatike.

Nyjat limfatike, përbërësit kryesorë të sistemit tonë imunitar, përmbajnë më shumë qeliza imune që njohin antigjenet në vaksina dhe fillojnë procesin imunitar të krijimit të antitrupave.

Grumbujt e nyjave limfatike ndodhen në zona afër vendeve të administrimit të vaksinave. Për shembull, shumë vaksina injektohen në deltoid pasi është afër nyjave limfatike të vendosura pikërisht nën sqetull. Kur vaksinat jepen në kofshë, enët limfatike nuk kanë shumë për të udhëtuar për të arritur grumbullin e nyjave limfatike në ijë.

Indet muskulore gjithashtu tentojnë të mbajnë reagimet e vaksinës të lokalizuara. Injeksioni i një vaksine në muskulin deltoid mund të rezultojë në inflamacion në vendin e injektimit. Nëse disa vaksina injektohen në indin dhjamor, shansi i acarimit dhe reagimit të inflamacionit rritet sepse indi yndyror ka furnizim të dobët të gjakut, duke çuar në thithjen e dobët të disa përbërësve të vaksinës.

Vaksinat që përfshijnë përdorimin e ndihmësve – ose përbërësve që rrisin përgjigjen imune ndaj antigjenit – duhet të bëhen në muskul për të shmangur acarimin dhe inflamacionin e përhapur. Vaksinat veprojnë në mënyra të ndryshme për të stimuluar një përgjigje më të fortë imune.

Megjithatë, një faktor tjetër vendimtar në vendndodhjen e administrimit të vaksinës është madhësia e muskujve. Të rriturit dhe fëmijët e moshës mbi tri vjeç kanë tendencë të marrin vaksina në pjesën e sipërme të krahut në deltoid. Fëmijët më të vegjël marrin vaksinat e tyre në mes të kofshës, sepse muskujt e krahut janë më të vegjël dhe më pak të zhvilluar.

Një konsideratë tjetër gjatë administrimit të vaksinës është komoditeti dhe pranueshmëria e pacientit. A mund ta imagjinoni të hiqni pantallonat në një klinikë vaksinimi masiv? Të hapësh mëngën është shumë më e lehtë dhe më e preferuar.

Për këto arsye, preferohet një goditje në krah thjesht sepse pjesa e sipërme e krahut është lehtësisht e arritshme. Të gjitha gjërat që merren parasysh, kur bëhet fjalë për vaksinën kundër gripit dhe vaksinën anti COVID-19, për shumicën e të rriturve dhe fëmijëve, krahu është rruga e preferuar e vaksinimit.

The post Pse duhet të marrim vaksinat në krah? appeared first on Albeu.com.

Presidentja e Komisionit Evropian Ursula von der Leyen shkroi në Twitter se zyra e saj “sapo ka miratuar një kontratë për 900 milion doza të garantuara (+900 milion opsione).

Kontrata e re, e cila ka mbështetjen e vendeve anëtare të BE-së, do të përfshijë jo vetëm prodhimin e vaksinave, por gjithashtu sigurimin që të gjithë përbërësit thelbësorë  të vijnë nga BE.

Komisioni Evropian aktualisht ka një portofol prej 2.3 miliardë dozash nga gjashtë kompani.

“Kontrata të tjera dhe teknologji të tjera të vaksinave do të pasojë,” tha von der Leyen në një postim në Twitter.

The post BE arrin marrëveshjen me Pfizer, sa doza vaksinash u porositën appeared first on Albeu.com.

8190 vaksina të tjera Pfizer mbrritën sonte, teksa vaksinimi vazhdon me ritëm të lartë#ShqipëriaBuzëqesh

Kujtojmë se Shqipëria votoi ditën e djeshme dhe të gjithë janë në ankth ndërkohë që numërimmet vazhdojnë në kohë reale.

The post Rama “gjallëron” Facebookun dhe jep lajmin e mirë: Vijnë 8190 vaksina Pfizer appeared first on Albeu.com.