Një tankist rus i është sulur me tank komandantit të tij gjatë betejës në Ukrainë ku regjimenti prej 1 500 ushtarësh thuhet se kishte humbur gjysmën e tyre. Gazetari RomanTsymbaliuk raporton se tankisti i shkeli të dyja këmbët komandantit Yuri Medvedev duke i lënë të plagosur rëndë.
Thuhet se ushtari e akuzoi atë për veprime taktike të gabuara në betejë duke bërë që regjimenti i tyre të humbiste gjysmën e ushtarëve.
Pas ngjarjes, ai u mor dhe u dërgua në Bjellorusi për mjekim, ku edhe u vizitua nga presidenti çeçen Ramzan Kadyrov.
Një ushtar, duke zgjedhur një moment të përshtatshëm gjatë betejës, shtypi komandantin e brigadës së tij, kolonelin Yuri Medvedev, me një tank, duke i plagosur të dy këmbët,” tha Tsimbalyuk. Medvedev ndodhet në një spital në Bjellorusi dhe tashmë i është dhënë Urdhri i Guximit”.
Informacioni nuk është verifikuar ende nga burime të pavarura, megjithatë në një video të publikuar prej Kadyrovit duket momenti kur Medvedev sillet nga ushtarët për kurim në spital.
