Të dhënat paraprake tregojnë për një rritje të interesat për degët e bujqësisë, që vitet e fundit kanë pasur probleme, për shkak se nuk arrihej të plotësohej numri i nevojshëm i studentëve për të zhvilluar lëndët në auditore.

“Te dhënat jo zyrtare e konfirmojnë që maturantët ketë vit i janë drejtuar me shume programeve te Universitetit Bujqësor dhe shpresojmë që këto të jenë të vërteta. Besojë se iniciativa e qeverisë për mbështetjen financiare në vlerën e pagës minimale për çdo maturantë që regjistrohet në degët prioritare besojë se ka ndikuar pozitivisht”– tha Fatbardh Sallaku, rektor Universiteti Bujqësor.

Në këtë fazë të raundit të parë, maturantët kanë të drejtë të përzgjedhin 10 programe studimi, por vetëm në momentin e regjistrimit, do të shihet realisht tendenca e këtij viti dhe nëse nisma e qeverisë ka arritur të bëjë efekt.

“Çdo maturantë ka të drejtë të zgjedhë 10 alternativa çka për mendimin tonë janë shumë sepse një i ri mund te zgjedhë deri te pesa por pavarësisht kësaj deri ne fund të gushtit kur të bëhet renditja shpresojmë që këtë vit zgjedhja e maturantëve të ketë qenë më shumë drejt Universitetit Bujqësor”– tha Fatbardh Sallaku, rektor Universiteti Bujqësor.

Ajo çka duket se nuk ka ndryshuar, është preferenca e të rinjve për degët e shëndetësisë, pasi edhe këtë vit, pavarësisht vendimit më të fundit për punësim të detyruar 5 vite për të diplomuarit, sërish mbetet më e pëlqyera.

The post Aplikimet në Universitete, kjo është dega më e pëlqyer e maturantëve appeared first on Albeu.com.

“Ne do të përdorim konviktet e të gjitha universiteteve tona që i përkasin KYK-së për të prekurit e tërmetit. Universitetet do të kenë arsim në distancë dhe shpresojmë se ne do t’i përdorim konviktet si bujtina”, tha Erdogan, ndërsa fliste në provincën e goditur nga tërmeti Dijarbakır.

“Shpresojmë se do ta përfundojmë shpejt punën e shpëtimit dhe të mos lëmë asnjë nga qytetarët tanë nën rrënoja të vdekur apo të gjallë. Ne do të përfundojmë punimet e ndërtimit dhe restaurimit brenda një viti në provincat e goditura nga tërmeti”, shtoi Erdoğan.

Lëvizja për të patur arsim online për universitetet ngjalli menjëherë një reagim të madh në mediat sociale me njerëz që vunë në dukje mungesën e planifikimit të qeverisë përballë një fatkeqësie të tillë.

Akademikët dhe studentët kërkuan që hotelet, rezidencat e lira dhe bujtinat të përdoren për të strehuar viktimat e tërmetit në vend të konvikteve. Ata thanë se gjëja e parë që u vjen në mendje zyrtarëve të qeverisë është heqja dorë nga arsimimi në një fatkeqësi.

Ka gjithashtu shqetësime se masa do të vështirësojë mobilizimin e të rinjve për fushatën elektorale të opozitës kundër qeverisë. /albeu.com

The post Tërmeti vdekjeprurës, Turqia mbyll universitetet: Mësimi në distancë appeared first on Albeu.com.

Në kushtet kur ka një fokus të lartë tek siguria dhe minimizimi i rreziqeve që vijnë nga përpunimi i të dhënave duket se këto universitete garantimi i sigurisë së të dhënave dhe ofrimi i shërbimeve nëpërmjet teknologjisë së informacionit është i pamjaftueshëm.

Konkretisht i pari që ka kaluar në sitën e audituesve ka qenë Universiteti i Tiranës ku në raportin përfundimtar audituesit kanë nënvizuar se investimet e kryera në Universitetin e Tiranës në sistemet e informacionit nuk kanë zgjidhur përfundimisht problemet e sigurisë së informacionit, sigurimin e Vazhdueshmërisë së Biznesit.

“Në gjykimin tonë, identifikimi dhe administrimi i elementëve kritikë në ofrimin shërbimeve dhe garantimin e sigurisë së të dhënave si dhe vazhdimësisë në ofrimin e shërbimit nëpërmjet teknologjisë së informacionit është i pa pamjaftueshëm. Ne kemi audituar zbatueshmërinë e akteve ligjore dhe nën ligjore (kriteret e vlerësimit), për, procedurat e prokurimit publik për investimet në fushën e Teknologjisë së Informacionit të zhvilluara gjatë periudhës objekt auditimi nga 01.01.2020 deri më 31.12.2021, subjekti i audituar, Universiteti i Tiranës”, ka mangësi në veprime në përputhje me kriteret e përcaktuara në bazën ligjore dhe rregullatore” kanë nënvizuar audituesit.

I njëjti konstatim vlen edhe për auditimin e kryer në Universitetin e Vlorës ku nënvizohet se pas shqyrtimit të evidencave të marra Universiteti Ismail Qemali ka zhvilluar sisteme të Teknologjisë së Informacionit pa hartuar bazën e nevojshme rregullatorë për funksionimin e tyre dhe të pa mbështetura me burimet e nevojshme njerëzore.

Edhe për Universitetin e Shkodrës audituesit kanë nënvizuar se “Universiteti “Luigj Gurakuqi” ka në përdorim sisteme të Teknologjisë së Informacionit pa hartuar bazën e nevojshme rregullatorë për funksionimin e tyre.

Në gjykimin tonë, identifikimi dhe administrimi i elementëve kritikë në ofrimin shërbimeve dhe garantimin e sigurisë së të dhënave si dhe vazhdimësisë në ofrimin e shërbimit nëpërmjet teknologjisë së informacionit është i pa pamjaftueshëm.

Në këtë drejtim, përdorimi i sistemeve mbart një risk të lartë në mbarëvajtjen e funksionaliteteve të ndërtuara në shërbim të qëllimit dhe objektivave institucionale” thuhet në auditim.

Të tre universiteteve u është kërkuar që të marrin masa sa u takon rritjes së sigurisë dhe të hartojnë plane për minimizimin e parandalimin e risqeve të identifikuara, si dhe të bëhet monitorimi periodik i zbatimit të këtyre masave. /Monitor

The post Teknologjia dhe Informacioni në universitete, KLSH: Siguria mbetet e pamjaftueshme appeared first on Albeu.com.

“Tani po mbaron koha që industria të arrijë një marrëveshje ose të goditet nga ndërprerja e gjerë gjatë pranverës”, tha sekretari i përgjithshëm i UCU, Jo Grady.

Sindikata, e cila përfaqëson akademikë, mësues, bibliotekarë dhe staf profesional në kolegje dhe universitete, thotë se po kërkon paga më të mira pasi punëdhënësit ranë dakord për një rritje pagash prej 3 për qind pas një dekade pagash që ishte nën inflacionin.

Ndërsa vendi përballet me inflacionin dyshifror, kryeministri Rishi Sunak është nën presion për të zgjidhur një valë greve në Britani që filloi vitin e kaluar.

Grevat përfshinin qindra mijëra punëtorë dhe ndërprenë vazhdimisht shërbimet thelbësore si kujdesi shëndetësor dhe transporti hekurudhor. /albeu.com

The post Mijëra punonjës të universiteteve në Britani paralajmërojnë grevë, kërkojnë rritje page appeared first on Albeu.com.

Kjo është një rritje e konsiderueshme nga 28 universitete që nga publikimi i raportit të “Times Higher Education Rankings World University 2011”.

Megjithatë, kjo nuk është performanca më e mirë në 13 vitet e fundit, pasi vendet evropiane kishin 42 universitete në listën e Top 100 Global në vitin 2016, shkruan Euronews.

Përveç tri universiteteve britanike, përkatësisht Universitetit të Oksfordit, Universitetit të Kembrixhit dhe Kolegjit Imperial të Londrës (ICL), vetëm ETH Zurich i Zvicrës është renditur në Top 10 në 13 vitet e fundit.

Por si kanë ndryshuar universitetet më të mira në Evropë në dekadën e fundit dhe cilat vende evropiane po ecin mirë për sa i përket universiteteve më të mira?

Sipas shkrimit të Euronews, renditja e universiteteve botërore të Times Higher Education është një listë e publikuar çdo vit, e cila në vitin 2023 përfshin 1799 universitete nga 104 vende dhe rajone.

Lista është përgatitur bazuar në 13 tregues që matin performancën e një institucioni në katër fusha: mësimdhënie, kërkime shkencore, bartje njohurish dhe perspektivë ndërkombëtare.

Të qenit në Top 10 është gjë shumë prestigjioze për universitetet kryesore dhe në këtë drejtim universitetet në Shtetet e Bashkuara dhe në Mbretërinë e Bashkuar dominojnë renditjen e Top 10.

Ndërkohë vetëm 13 universitete të ndryshme kanë arritur të fitojnë renditjen në Global Top 10 që nga viti 2011.

Katër prej tyre janë në Evropë, ndërsa nëntë të tjerat janë në SHBA.

Universiteti i Oksfordit dominon në renditje

Universiteti i Oksfordit u emërua universiteti më i mirë në botë për të shtatin vit radhazi në renditjen e “2023 Times Higher Education”.

Universiteti i Kembrixhit ishte gjithashtu në Top 10 për të gjithë atë periudhë kohore, ndërsa ICL arriti të qëndrojë në listë për 11 vjet. ETH Zurich i Zvicrës u rendit i nënti në 2016 dhe 2017, dhe i dhjeti në 2018.

Ndër institucionet amerikane të përmendura në Top 10 në këtë periudhë ishin Universiteti i Harvardit, Universiteti i Stanfordit, Instituti i Teknologjisë i Masaçusetsit (MIT), Instituti i Teknologjisë i Kalifornisë, Universiteti Princeton, Universiteti i Kalifornisë Berkeley, Universiteti Yale, Universiteti i Çikagos, dhe Universiteti i Pensilvanisë.

Cilat universitete “po bëjnë mirë” në Evropë?

Në renditjen e Times 2023, 15 universitete evropiane u renditën në mesin e 50 institucioneve më të mira në botë dhe 36 ishin në 100-shen më të mirë.

Përveç Oksfordit, Kembrixhit, ICL dhe ETH Cyrihut, këto përfshijnë: “University College London (22)”, “University of Edinburgh (29)”, “Technical University of Munich (30)”, “LMU Munich (33)”, “King’s College London (35)”, “London School of Economics and Political Science (37)”, “École Polytechnique Fédérale de Lausanne (41)”, “KU Leuven (42)”, “Heidelberg University (43)”, “Paris Sciences et Lettres – PSL Research University (47)”, si dhe “Karolinska Institute (49)”.

The post Cilët janë universitetet më të vlerësuara në botë? appeared first on Albeu.com.

Në universitetin “Ismail Qemali” në Vlorë ky vit ka nisur me afro 55% të kuotave të regjistrimit të plotësuara, mesatarja më e ulët e studentëve në programet e studimit.

Degë si mësuesia, fizika, matematika dhe kimia janë në kuotat minimale dhe rrezikojnë ende mbylljen.

Universiteti i Vlorës ka pasur këtë vit rreth 1200 kuota të lira, ndërsa numri i studentëve të regjistruar nuk i kaoon 700.

Situatë e ngjashme edhe në Universitetin e Elbasanit, ku nga 2573 kuota janë plotësuar vetëm 1435.

Pedagogët e Universitetit “Aleksandër Xhuvani” në orën 10:15 do të mblidhen në Fakultetin Ekonomik dhe Qendror për të kërkuar rritje të pagës.

Në universitetin “Luigj Gurakuqi” të Shkodrës janë regjistruar 950 studentë, ndërsa në total janë rreth 5 mijë në të gjitha nivelet. Këtë vit asnjë program nuk është mbyllur.

Rektorja e universitetit, Suzana Golemi ka deklaruar se mbështet fuqishëm protestën e pedagogëve dhe ka theksuar se nuk ndo të merret vasnjë masë ndaj atyre që bojkotojnë mësimin.

Ndërsa pedagogët në Korcë kanë shprehur mbështetjen e tyre për kolegët por ditën e sotme ata kanë nisur mësimin në auditore.

Kërkesat e pedagogëve

-Rritja e pagave për pedagogët dhe stafin ndihmës
-Rritja e financimit për kërkimin shkencor
-Rivendosja e shtesave mbi pagë për ‘Dëshmëri shëndeti në punë’
-Rritja e shtesës mbi pagën për vjetërsinë në punë
-Rritja e pagesës së orëve të ngarkesës suplementare
-Rivlerësimi i orës mësimore pasi ka zbritje prej 50% të pagesës së orës mësimore si rezultat i mosfierencimit të orës mësimore të leksionit.
-Rishikimin e tatimit prej 23% mbi pagesën e ngarkesës suplementare
-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.
-Të bëhet transparencë mbi buxhetin dhe të ardhurat e universitetet publike./albeu.com

The post Sot pedagogët bojkotojnë mësimin, kërkesat që kanë për Qeverinë appeared first on Albeu.com.

Kreu i Sindikatës së Universiteteve, Sandër Kovaçi, tha se nëse nuk ka reagim nga qeveria, ata do të bojkotojnë nisjen e procesit shkollor në universitete.

“Ja ku i keni pedagogët, 4-5 herë më tepër se në Fakultetin e Shkencave. Ne kemi kërkuar 50% rritje rroge. Ne do të presim edhe 13 ditë dhe në 17 ne nuk do të hyjmë në auditore për të filluar vitin e ri shkollor”, tha ai.

Ai komentoi edhe deklaratata e ministres Evis Kushi, e cila sipas tij i ka cilësuar të drejta kërkesat e tyre, por ka shtuar se nuk ka para për t’i realizuar.

“Shkencat luajnë me numrat. Numrat i bëjmë shifra dhe shifrat flasin. Ministrja shkoi sot në Universitetin Bujqësor. Ajo tha se; kërkesa tuaja janë minimaliste. Na tha; ‘unë jam si ju, se jam pedagoge, jam si ju dhe punoj për ju. Do të realizojmë atë që keni thënë’. Por në fund tha; ‘nuk ka lekë!’. Ne i thamë faleminderit. I thamë se radhën tjetër do takohemi përballë, me kamerat dhe në prani të Ramës”, tha ai.

The post Protesta, pedagogët ultimatum kryeministrit: Presim edhe 13 ditë, në të kundërt s’fillojmë vitin shkollor appeared first on Albeu.com.

Sikur mësimi të mos ndërpritej, nxënësit që përfundojnë arsimin e mesëm, do t’iu nënshtroheshin provimeve të maturës më 4 dhe 13 qershor, por institucionet përkatëse kanë thënë se provimet mund të shtyhen, për shkak të humbjes së mësimit.

Eva thotë se nëse kjo ndodh, nxënësit që duan të aplikojnë për t’u regjistruar në ndonjë universitet jashtë vendit, do të përballen veçanërisht me probleme.

“Na ka kapur paniku, pasi tani jemi para provimeve të maturës dhe kemi ngecur në përgatitjet që duhet të bëhen. Nëse shtyhet viti shkollor, për shkak të grevës, atëherë edhe provimet e maturës do të shtyhen për të paktën dy javë. Kjo do të thotë humbje, në veçanti për nxënësit që planifikojnë të regjistrohen jashtë vendit, për shkak të procedurave dhe dokumentacionit që duhet të bëjnë gati”, thotë Eva.

Sindikata e Arsimit e Maqedonisë së Veriut tha të hënën se nuk ka ende marrëveshje me Qeverinë për rritjen e pagave në arsim.

Kjo është edhe arsyeja e grevës së rreth 30 mijë mësimdhënësve dhe edukatorëve në sistemin parauniversitar.

“Pritjet tona janë që Qeveria të mbledhë forcë dhe të gjejë fonde për kërkesat tona, rritjen e pagave, harmonizimin e tyre me pagën minimale, vazhdimin e bisedimeve për nënshkrimin e marrëveshjeve kolektive. Kjo do të ishte në të mirën e të gjithëve, të fëmijëve në kopshte, të nxënësve, të punonjësve, të prindërve dhe të shtetit në përgjithësi”, tha kryetari i Sindikatës së Arsimit, Jakim Nedelkov, dhe shtoi se ka disa sinjale për takime me drejtuesit e Qeverisë.

Kërkesat e sindikatës janë mbështetur edhe nga Konfederata Evropiane e Sindikatës së Arsimit. Drejtorja e kësaj konfederate, Susan Floken, tha se “kërkesat e sindikatës janë të qëndrueshme”, andaj i bëri thirrje Qeverisë që “t’i pranojë për të mirën e arsimit në vend”.

Lidhja Social Demokrate, e cila është pjesë e Qeverisë së Maqedonisë së Veriut, kërkoi nga Sindikata e Arsimit që të heqë dorë nga, siç tha, shantazhet, dhe t’iu mundësojë nxënësve që të kthehen në shkolla.

“E drejta për arsim është e garantuar me Kushtetutë, ashtu sikur edhe e drejta e grevës, por greva nuk duhet të jetë në dëm të fëmijëve dhe nxënësve dhe prindërit e tyre të mbahen pezull”, tha Sanela Shkriel nga kjo parti.

Ajo tha se sindikata duhet t’i bisedojë kërkesat e saj me institucionet kompetente, ndërkohë që nxënësit vazhdojnë mësimet.

Në Maqedoninë e Veriut, në arsimin fillor janë të punësuar rreth 20,000 mësimdhënës, ndërsa rreth 8,000 janë në arsimin e mesëm dhe mbi 5,000 në kopshte.

Paga mesatare e arsimtarëve në sistemin parashkollor dhe fillor sillet në rreth 21,600 denarë (350 euro), ndërsa në arsimin e mesëm 22,500 denarë (365 euro).

Sindikata kërkon fillimisht një rritje prej 18.4 për qind, si dhe zbatimin e marrëveshjes kolektive që garanton paga dyfish më të larta, por Qeveria ka pranuar një rritje prej 10 për qind, ndërsa për kërkesat tjera ka thënë se duhet të bisedohet më vonë./REL/

The post Greva vë në rrezik regjistrimin në universitetet e Maqedonisë së Veriut appeared first on Albeu.com.

Berisha u shpreh se universitete në rrethe janë drejt mbylljes dhe se mësuesit me eksperiencë të gjatë në këtë profesion janë zëvendësuar me militantë.

“Për shkak të praktikave fund e krye korruptive, për shkak të ngritjes në drejtim të vulgut dhe injorancës, është në rënie të lirë në të gjitha ciklet. Shkollat dy vite më parë ishin të mbyllura 620, sot me siguri numri i tyre është edhe më i madh. Sistemi i internetit që u shtri në çdo shkollë, me 25 mijë kompjutera në total, me furnizim satelitor, sot është tërësisht rudimentar. Sot universitetet e rretheve janë në proces falimentimi dhe mbylljeje.

Shkak tjetër është përpjekja për t’u kthyer në selektivitetin për pranimin në universitete përmes lëvizjes me mesatare. Shkak tjetër është degradimi total i procesit mësimor për shkak të armatës së militantëve që ka zëvendësuar mësuesit profesionistë me të ashtuquajturin portal të partisë, ku largohen mësues me eksperiencë 30-35 vjeçare dhe vendosën militant, të cilët vetëm njohuri për arsimin nuk kanë.

Shkak tjetër është ligji famëzi i arsimit të lartë i financuar me çanta nga sektori privat dhe që ndër të tjera rriti tarifat për student e universitete duke i bërë ato disa herë më të larta se në Gjermani, Asutri, Slloveni e Sllovaki dhe thuajse në të gjitha vendet e Europës. Bllokimi për vite të tëra i doktoraturave në Universitete është një shkak tjetër madhor i degradimit me shpejtësi të arsimit. Infiltrimi për të terrorizuar akademikët përbën një ndër aktet më të shëmtuara.

Ju nuk keni harruar kur kandidati për rektor, ndonëse i njohur për bindjet e majta por njeri që nuk mund të bënte, u ndal në mes të sheshit nga famozi Shullazi dhe iu tha, dorëheqjen ose kokën, ose djalin peng në emër të Edi Ramës sepse donte me çdo kusht të emëronte rektore një zonjë rakordonte cdo tender për kampusin universitar”, tha Berisha./albeu.com

The post Berisha: Universitetet në rrethe po mbyllen, mësuesit me eksperiencë 30-vjeçare janë zëvendësuar me militantë appeared first on Albeu.com.

Në këtë renditje Shqipërisë zë vendin e 3786.

Sipas Metës, kjo renditje është një tronditje e rëndë e cilësisë së arsimit të lartë në vend dhe sinjal alarmi për të gjithë shoqërinë.

Meta thotë se kjo është një thirrje për reflektim nga ana e qeverisë, Kuvendit dhe shoqërisë civile për të ndërmarrë reforma reale dhe të besueshme.

Postimi i Ilir Metës:

Renditja e Shqipërisë, e fundit në rajon në klasifikimin botëror të cilësisë së universiteteve sipas “Ranking Web of Universities” por edhe sistemeve të tjera të besueshme të vlerësimit akademik, është tregues i tronditjes së rëndë të cilësisë së Arsimit të Lartë dhe sinjal alarmi për shoqërinë në tërësi.
Është një thirrje për reflektim të menjëhershëm nga Qeveria, Kuvendi dhe shoqëria civile në tërësi për ndërmarrjen sa më parë të reformave reale dhe të besueshme për rivendosjen e standardeve të larta konkurruese dhe uljen e fiktivitetit në Arsimin e Lartë.
Këto reforma strukturore e funksionale dhe veçanërisht depolitizimi i sistemit arsimor, janë kusht dhe domosdoshmëri për rritjen e besimit dhe shpresës te të rinjtë tanë për të studiuar, qëndruar dhe ndërtuar jetën dhe karrierën e tyre në Shqipëri.
Të rinjtë e mirëarsimuar dhe të kualifikuar janë pasuria më e vyer e vendit dhe kapitali më i çmuar njerëzor. Arsimi duhet kthyer në përparësi kombëtare për të ndalur fenomenin e shpopullimit dhe garantuar zhvillim të qëndrueshëm, progres dhe të ardhme të sigurt europiane./albeu.com

The post “Shqipëria renditet e fundit në rajon”, Meta publikon klasifikimin botëror të cilësisë së universiteteve: Sinjal alarmi, thirrje qeverisë appeared first on Albeu.com.