Teksa ka një luftë mes UEFA-s, FIFA-s në njërën anë dhe SuperLigës në anën tjetër, ka edhe një betejë brenda vetë klubeve elitare që formuan kompeticionin e ri.
“Der Spiegel” ka zbuluar një dokument ku Këshilli Administrativ i SuperLigës i ka bërë kërkesë Bayern Munchen dhe Borussia Dortmund për të pranuar anëtarësimin në 15-shen e themeluesve, pra anëtarë të përhershëm teksa këto ditë drejtuesit gjermanë janë distancuar.
Një kërkesë e tillë shihet si një ultimatum për dy klubet elitare të Bundesligës të cilët do të duhet të zgjedhin anën e tyre ku për momentin janë në anën e UEFA-s dhe FIFA-s por koha për ta nuk premton gjatë. Po sipas “Der Spiegel” edhe për Paris Saint Germain ka një kërkesë të tillë nga Këshilli Administrativ i SuperLigës i cili i ka dhënë 14 ditë kohë francezëve për të dhënë një përgjigje përfundimtare.
