Kati i parë i një hoteli në Sarandë i ndodhur në lagjen Nr.4 të qytetit, është përfshirë nga flakët. Ngjarja ka ndodhur gjatë mesditës së sotme ndërsa dyshohet se shkak për rënien e flakëve janë bërë disa punime që po kryeheshin në objekt.
Sipas raportimeve paraprake, ka qenë vetë pronari i këtij objekti, i cili ishte duke salduar një vegël pune teksa aksidentalisht ka rënë zjarr dhe për pasjë e përhapjes së flakëve, është dëmtuar pjesërisht kati i parë i ndërtesës.
Deri më tani nuk ka një raportim zyrtar nga policia ndërsa nuk raportohet për persona të lënduar por vetëm për dëme materiale.
